Sunday, October 08, 2006

وزارة الداخلية ... وما ادراك شنو هالوزارة.....!!!!

وعدتكم في بوستي الي فات
انة بقولكم شنو سالفة
انشغالي المفاجئ
طلع اسمي بالجريدة من تعيينات
الديوان نفس الكل الي ينطرون على
احر من الجمر ،،
طلعت الوزارة الي مرشحيني لها
وزارة الداخلية
اول ما شفت الداخلية
استانست واهلي استانسو
على هالوزارة قالولي معاشي قوي
ومن كلام الحماس
الي يخلييني اصر على اني في احسن وزارة بالكويت
المهم
رحت اقدم اوراقي بالوزارة نفس
كل الناس الي يبون يشتغلون
بس المشكلة مو اهني
المشكلة بالخرفان الي يسمونهم
مسؤولين معينينهم بهالوزارة
قلتلكم من قبل انا وحدة البس نقاب
عباية والحمدالله
المهم اول ما ناداني المسؤول
من بعد ما وقع على ورقتي
كنت قاعدة مع البنات قمت جان
يتنح واهوا يطالعني :\
هيييييي انت صااااااايم
شهالنظارات يامال عيونك للبط
ومن صار اسمي من سلفر
صار ســـــــــ لـــــــــــ فــــــــــــــــر
ليييين ماوصلت المكتب :\
خيييييييييييييييير اشفيك ...!!!
وشايب وكبير ومايستحي
صج لي قالو
إن لم تستحي من الله ففعل ماتشاء...!!!
طلعت من الوزارة ورحت
على المكان الي عينوني علية
هالمكان الي اقولكم شفت فية انواع المصخرة
على اصولها ...!!
دشينا المكتب انا والوالد على اكبر مسؤول
تبع المحافظة الي معينيني عليها
والمسؤول يقعد ويخوزز
بنظرات الله لايوريكم ..!!
ويطلب منة الوالد انة ما اشتغل تبع هالمكان
ويسئل ابوي ليششش اهنيييييي احسن مكان لها
والله لو ماتبي اهيا ما تشتغل على راحتها
تدش الوزارة وتطلع على كيفها ...!!!!
وبحطها اهني عندي
مكتبها يم مكتبي ...!!
غرفة نفس هالغرفة ...!!!
تكفةةةةةةةة ابيها تشتغل اهني
:\
اي شييييييييييي
ابوي لهذي اللحظة ماسك اعصابة
جان يقولة ماتقدر اهيا تشتغل اهني ماعندها سيارة
=قاعد يقص علية على اساس مابي اشتغل بهالمكان الوصخ=
تخيلو شقال المسؤول الكبير الي معينينة
وزااااااااااااااارة الداخلية
ليكون مسؤول على امن الديرة ...........!!!
تخيلو شقال؟؟؟؟؟؟؟؟؟
قال والله لا اوديها واييبها بس تشتغل عندي ...!!!!!!!!!!
استحالة اصلا اتوظف بمكان صارلي اول شي فية جذي
ومن عرف اولها عرف تاليها ... :\
بس سؤال امحيرني اذا هالاشكال مفروض يكونون حماة الوطن
واهما مفروض يكونون اادب ناس ومحترمين كونهم يشتغلون
بمكان نفس اسم الوزارة نفسها
ويستغلون مسماهم الوظيفي لاغراضهم الدنيئة
بغض النظر عن اسم الوزارة
احنا برمضان وهالسرسري قاعد يتكلم
بهالطريقة ونيتة سودة مثلة
واحنا بشهر عبادة والكل يتمنى ربة يتقبل صيامة
وين
اصلا ايمانة وليمتى هالاشكال بتضل عايشة
وتشتغل باماكن ارقى من مستواها ؟؟؟؟
وادعولي يطلع اسمي بسرعة مرة ثانية
بمكان نظيف مافية اشكال وصخة ...!!

18 comments:

نون النساء said...

خخخخخخخخخخخخخخخخخخخ

انا ما اضحك عليج
بس قاعده أضحك من القهر

سلفر ترا انواع مثل هالأوادم
راح اتواجهينهم بكل مكان مو بس مقر العمل.. حتى لو كانو اللي معاج ناس سيدا سيدا
إلا يطلعلج واحد سرسري على قولتج سواء موظف ولا مراجع

انا اول ما قمت اشتغل انصدمت صراحة من الوضع لوووووووووول
تدرين من البيت للدوام
على قولت المثل
كنا في جره وطلعنا لي بره


خديه بعد ما أعرف شي
اللي يحاجيني اقعد اراجف كأني ورقه

واتعبت نفسيتي حيييل واللي يسألني عن الدوام
ها اشلونج نون مع الدوام كنت اضحاااااك اقوولهم تمااااااااااام

بس صج صج يطلعولج أوادم يقثونج
ويلوعون جبدج حتى الواحد يستحي يسبه
اتخيلي انتي ياللي كبر اعياله تقعدين تنصحين واحد كبر ابوج

لووووووووووووول
أي شي
طاش ماطاش

:)

يا يبه اتوكلي على الله
واللي يدوسلج على طرف
وديه ورا الشمس

:P

ســكون said...

ما اقدر اقيم الموقف او احط بذمتي شي
بس عموما

بكل مكان .. تشوفين هيك و هيك
و الشاطر يعرف اشلون يحط الحد من غير تعقيد

:

بطبيعة عملي ما احتك الا كل فترة و فترة
مع اصحاب المشاريع و عقبها انعزل الى
غاية تسليم العمل او الاستفسار

و هناك احتكاك ملزوم مع نفر بسيط من الزملاء
اللي يعملون بنفس المشروع و عند الحاجة


في الغالب ايي اشتغل و اطلع و محد ردى عني


و من اطلع من الدوام انسى اللي فيه
عمل و بس




ريحي بالج .. مافي شك ان الوسط عامل مهم
بس يبقى الواحد بيده يخط الدائرة حول نفسه
و عليها في الغالب يعاملونا الناس و تتحدد
درجة تماديهم



موفقة .. بس على جذي عشمتي الوطني بالمعاش
و خذيتي المية و خمسين و قبيتي ههههههه

سلام

yokin2007 said...

والله الدنيا فيها وفيها
لكن الداخلية فيهاااا خمة وزقمبية عدد شعر الراس
الله يعينج
ماكو على الدراسة فى الجامعة
:)

SILVER RAIN said...

نون

انواع السرسرية الي مايعرفون يتربون

مويقعدونهم بمناصب اعلى منهم

شوفي اصلا حتى كلامة واهوا اكبر مسؤول

انتي ماراح يكون المراجع اذا سرسري

مسؤولج او يخصم عليج او يستخدم منصبة عليج انتي

يالموظفة اذا المراجع مو شي نفس مايقولون سحابة صيف وتعدي

اما المسؤول ؟؟؟؟؟؟؟؟؟

SILVER RAIN said...

سكون

ههههههههههههههه

اتلاقينهم يقولون

ولييين متى هذي ينزل معاشها

لايكون قصت علينا

:\


لوووووول

ابكل بساطة الموقف بقول يا سكون

انة وزارة الداخلية مسؤولها واحد وصخ

وما احترم حرمة الشهر الفضيل وراح تفكيرة

بالوادي الاسود الي نفس ويهه

SILVER RAIN said...

يوكن

لاعت جبدي وانا ادرس ابي اصير موظفة

:"""""(

يلة ادعيلي اصير بالتربية

Anonymous said...

يقول حق ابوج انا اوديها واييبها وابوج سكت عنه؟
ليش سكتي ومادستي ببطنه؟
ترى بطيتي جبدي انتي وابوج
مع احترامي لكم يعني

SILVER RAIN said...

ههههههههههه ليش فوضة

وبعدين منو اصلا الي بيسمحلة

بتوظيفي عندهم قاعدة ابطلهم المجال

:) وابوي ماقصر لعن بوخامسهم اصلا

وخلاهم بيزة مايسوون اما دوست بطن

يسمونها اعتداء على موظف

ومنو بيطلعنا من الداخلية؟؟؟؟

Nescafé said...

الحمدلله والشكر في ناس مايفرق معاهم رمضان ولا غيره.. الله يوفقج بس وتتوظفين بالمكان اللي تبينه ياارب

My-Home said...

ما اقول إلا الله يخلي الواسطات ولا هالأشكال وينهم وين هالأماكن
بس لا تحطين ببالج ولاتفكرين بهالأشكل إلي حتى التفكير فيهم ما يستاهلونه
المهم
انشا الله تنحل مشكلتج مع الوضيفة
خصوصا انج كاتية الموضوع بيوم عيد ميلادي
هه
لووووول
:)

Q8ya said...

مو قلت لج بلاش الداخليه ما صدقتيني

;PpPp

koweitian said...

سلام عليكم SILVER RAIN

تتذكرين كلامي يوم اقولج تتوظفين وتشووفين اشياء اكثر واكثر
راح تشووفين عجااايب وكنتي تقولين
شلووون

الله يوفقج ان شاء الله
ان اقول لو تتوظفين في مدرسه يكون احسن المدارس الخاصه اليومين هذول يبوون موظفين شوفيهم وشغلهم محترم

تحياتي اخوج

SILVER RAIN said...

نسكافية

الله يسمع منج

انا بالقيام الناس تدعي بصوووب وانا بصووووب قاعدة ادعي علية لووووووول

SILVER RAIN said...

ماي هوم

ههههههه

اهم شي كل عام وانت ابخيييير

@@ جم صار عمرك الحين ؟؟؟؟؟

جان قلتلنا قبلها يبتلك صحن لقيمات حطيتلك فية شمعة ;P

SILVER RAIN said...

كويتيييية

ياقلبوووو والله لما شفت انصدمت ماتعرفينهم عدل الا لما اتجربينهم قطيييعة تقطعهم ;\

SILVER RAIN said...

@@

طلاااااالوووو

هلااااااااااااااا هلاااااااااا

توووة نور ابلوقي والله :)

@@ توة ادري انك بالبلوقات

وكلامك صح 100% كلة الي قلتة


وهذا الي بسوية ابي التربية :(

وصراحة سرني وجودك بالبلوق

وبطل بلوق :@

بقص شريط الافتتاحية ;Pp~

My-Home said...

وانتي بصحة وسلامة
صار عمري الحين
18ربيع
هخهخهخه
عجبتني حركة صحن لقيمات يعني عيد ميلاد بأجواء رمضانية
لوووول
:)

http://www.q8geek.com said...

تبين نصيحتي لا تباشرين عملج في وزارة الداخلية ترى اوصخ وزارة على مستوى الكويت

روحي للديوان الموظفين وارفضي الترشيح وسوي ربط على اي وزارة مثل التربية وانطري سنه سنتيه الله يعيينج عاد


بس الداخليه لا اسئلي مجرب :(