Wednesday, October 04, 2006

يبيلة الوطني ...!!


طبعا كلنا يوم نسمع انة البنك الفلاني
بنك اسلامي لا ياخذ لافؤائد ولاهم يحزنون
وبعيييييد عن الربى ويااااسلااااااام

ايااابااه احسن بنك بالدنيا

مثل بنك اللتمويل

خليني ابديلكم بسالفتي بهالبنك الحلو

اقصد بيت الحرامية الكويتي

من ايام رحتلهم على اساس اصكر حسابي الي على الانترنيت

بموقعهم تمويل اون لاين

نسيت الباسورد واليوزر

فتخيلو شنو ردت علي الموظفة

لا عادي دشي الموقع عادي :\

انتي عبيطة ولاتستعبطين ؟؟؟؟؟؟

شنو اشلون استخدم الخدمة وانا ناسية الباسورد

واليوزر

والايميل الي مسجلة علية مبيوق؟؟؟؟؟؟؟؟؟؟

طبعا

الموظفة طلعت معلوماتها بإستخدام هالخدمة مييييح وطنشوني :\

المشكلة مو اهني

المشكلة يوم قلت ابي بطاقة فيزا تبع التسوق بالانترنيت

طلعو لي البطاقة

ودفعت فيها 50 دينار كويتي

قلت مابي ادفع اكثر من جذي بجربها الحين وتالي يصير خير ..

طبعا يوم طلعتها استاااااااانست قلت الله بشتري من على النت

على كيفي

اسبووووووووع كااااااااااااااامل وانا احاول فيها انها تشتغل

كلة يطلعلي انة البطاقة ماتشتغل

راجع البنك

رحت البنك سحبت الرقم ونطرت لييييييييييييين ما لوعو جبدي وانا ناطرة

دشيت على المديرة وتوني بطلع البطاقة واتشيل التلفون

وتقعد تسولف ... :\

واقولها انة البطاقة ماتشتغل وغير فعالة

واتشوف ولا مسحوب منها 48 دينار...!!

زييييييين اشلووووووووووووووون..؟؟؟؟

اشلووووون انسحب هالمبلغ من البطاقة واهيا مو راضية تشتغل

ولا عملية شراء سويتها بالنت الا ماطلعلي انة بطاقتي ماتشتغل ...!!!

واتقولي شووووووفي واتحط الشاشة بعيني

انة انا ساحبة من البطاقة وشارية بهالمبلغ وعلي فواتير

واردد عليها اشلوووووون وانا ولا عملية شراء سويتها راضية اتم

وينسحب مني هالمبلغ والقاها مصكرة البطاقة ...؟؟؟؟؟؟

واتطالعني من فوق لتحت شوفي انتي شنو شارية وطبيعي تتصكر البطاقة

واترد تتكلم بالتلفون

واقولها زين ابي كشف حساب بكل شي يخص هالبطاقة

وتاشر لي روحي للرسبشن واخذ منهم كشف حساب

واترد تتحجى بالتلفون ...!!

يلعن ابوووووووووووووووو شكلج اطررر منج؟؟؟؟؟؟؟؟؟؟؟؟؟؟؟؟؟؟؟

اسفووووووووخس على هالاشكال....!!!

المهم انبطت جبدي لدرجة اني قررت اغير البنك

رحت للوطني

يوم ادش اهناك

من الاستقبال ترحيب ليييييما طلعت

والمكان الي يفتح النفس

واول مابطلت الحساب

150 دينار هدية

لانة بطلت حساب عندهم غير السحب على اللمبرجيني

لوووول ياااارب تطلع من نصيبي علشان اقحص عليها

خخخخخخخ...!!

وغير هذا بسرعة معاملتك اتخلص

صج انة بنك اسمة ماكو تحتة بنك اسلامي

بس كافي انة خذيت منهم 150 دينار علشان بطلت حساب

مو يبوقون مني 50 دينار على مسمى بنك اسلامي ...!!!

26 comments:

Enter-Q8 said...

يبيله سلف منك

اول شي التمويل استغلال عباءة الدين

و شافوا حاجة و هلع الناس لهم باسم الدين
فا قاموا يتفلسفون بمعاملة العملاء

فعلا التمويل اسوء من يقدم خدمة العملاء

اناطلعت منه من ايام الغزو

و لا ابي ارد له

احسن بنك يكلم العميل و يهتم فيه اللحين باخر احصائية

اهو الاوسط جربتهم فعلا راقيين

وخدمتهم الهاتقيه تغنيك عن المراجعات

خوصا لما يطلع
هذا اللي يقول

حيـــــــــــــاكم
كيف لي ان اقوم بمساعدتك حاليا

Jibla Square said...

بيت التمويل أسوأ البنوك من ناحية الخدمة .. و ما هو إلا بنك للمتاجرة بالدين ..

أغلب البنوك الربوية الأخرى تتفوق عليه من ناحية الخدمة .. و كل بنك يقول الزود عندي بس الوطني ماكو عليه و زين سويتي ..

و بنكي الوطني :)

Anonymous said...

جنج تدرين

قبل ارمضان كنت ابي اصكر حسابي عندهم
وابطل حساب يديد ببنك الخليج
او الوطني

بس جالنا رمزاان وما فضيت
مو عشان شي
لوووووووووووووووووول

بس يمكن اربه الشسموونة
واقعد انا اقحص فيها



" طبعا حامض على بوزي وبوزج
هذا ويهي ان ما ربحها واهد هندي




:P~~

نوون

uTMoST said...

لول انشالله اتفوزين بلالمبرجيني ;p

انا عكسج عيل ! صارلي شهرين فاتحه حساب بالتمويل ..

صراحه حده سهالات و سوولي كل شي ابيه

و الفيزا طريقتهم وااايد حلوه .. انا
احسها اتساعدج ماتلعبين بالفلوس :)

الوطني خدماتهم زينه إذا كانت مباشره
بس مثلاً لمى ابوي طلعلي كرت على حسابه اقعدوا اكثر من شهر و سلموني اياه بالكويت و خذوا مني رسوم توصيل للديره اللي انا كنت فيها !!


و بعدين الواحد يتجنب الشبهه , و يريح ضميره :)

و انشالله يفتح بنك اسلامي عدل و ايفكنا كلنا :)

bo_sale7 said...

زين تسوين والوطني افضل بنك من ناحية المعاملة والامان ...خل اقولج هالسالفة ...

قبل سنتين اواكثر كنت بامريكا برحلة عمل .... المهم ....ذالك اليوم سويت عزيمة حق الناس اللي استضافوني بمطعم ماكولات بحرية اسمه روي ... المهم الحساب طلع حوالي ال 450 دولار ...دفعت بالفيزا ...وانا راد مريت على محل تذكارات وشريت منه جم هدية حق الربع وطلع الحساب حوالي 270 دولار ...المهم رديت الفندق ...شوي ولا تلفون .... الرقم ما يطلع عرفت انه دولي ...رديت الو ...ولا واحد يقول لي الاخ فلان ؟ قلت له اتفضل وياك ...قالي انا من ادارة العملاء بالبنك الوطني ..قتله حياك الله ..قال تونا وصلتنا حركة على بطاقة الفيزا مالتك ..اول شي انت بالكويت ولا بره ؟ رديت انا بره بامريكا الحين ..جان يقول اسف اني كلفت عليك بالاتصال والوقت مختلف ...قتله حصل خير شالسالفة ...قال ورد لنا خصم الكتروني على حساب البطاقة مصدره مطعم ..والحقيقة احنا شكينا بالرقم ...لانه احنا حاطين ليمت منطقي لكل منفذ بيع علشان لا تستغل البطاقة ..فهل العملية اللي قمت فيها بدفع فاتورة قيمتها 450 دولار حق المطعم صحيحة ؟؟ قتله اشكرك وايد على الحرص والمتابعة ...العملية صحيحة والمبلغ كبير لاني كنت عازم مجموعة من الاصدقاء ...فقال عيل خل اسال عن عملية ثانية من محل تذكارات هل هي صحيحة بعد ؟ قتله صحيحة ومررها ...واشكركم الصراحة وما قصرتو ...قال لا احنا واجبنا ان البطاقات ما تستغل بالسرقة او بتغيير رقم الفاتورة حفظا لحق عملائنا ...سامحنا على الاتصال وترجع بالسلامة
هذا اللي حصل بالحرف ...ابي في بنك بالكويت او بالمنطقة يسووي جذيه ؟
بنك محترف ومحترم
اسف على الاطالة
تحياتي

Dawn Fairy said...

صج التمويل أسوأ خدمة بس شنسوي ماكو بنك اسلامي غيره ... و حتى لو مثل ماتقولون ماخذين ستار الدين فعلى ذمتهم، أحسن من أني أدري انه أشكره بنك ربوي و اخذمن أرباحه .. و على فكرة صج أحسن بنك الوطني و يعطون 150 دينار بس اذا ماني غلطانه ياخذونها بفايدة مثل الفيزا و الله أعلم

Delicately Realistic said...

NBK o bs!

:>

Q8-eye said...

انا الصارحة اشوف خدمت التمويل مو لي هالدرجة سيئة لكن يبقى انه بنك اسلامي والبنوك الباجية ربوية و حرام آخذ منهم الفايدة

مساعد said...

فكرة البنك الإسلامي فكرة عميقة و سليمة 100% و اللي ما درس الإقتصاد الإسلامي يظن بسرعة إن الموضوع نفس الربا لكن بوق أو سرقة إسلامية و الموضوع جدا يطول.

لكن مو معنى هذا إن التمويل أفضل بنك , أنا مثلا من عملاء التمويل لأنه فقط يطبق المعاملات الإسلامية بس الخدمة فرق بينه و بين الوطني و عروض الوطني لا تنتهي و التمويل إقبض من دبش بس شنسوي إذا التمويل ماله منافس ثاني أكيد ما راح ينزل عروض ولا شي , حتى بنك بوبيان قلنا يمكن منه رجا طلع يبيله يمكن 5 علشان يقوم على حيله.

أكيد خدمة الوطني وايد أحسن من التمويل
لكن بالأخير ما أبي أتحاسب يوم القيامة على حساب ربوي!

ســكون said...

التمويل كقطاع استثماري قوي جدا

و لكن كقطاع مصرفي للأسف سيء و لولا انه
ذو صبغةاسلامية لكان في المؤخرة بلا منازع

yokin2007 said...

التمويل معاملتهم زفت الله يكرمكم
وخدمتهم دايخه حدها
حتى بعض الموظفين مايفهمون شى
انا مطلع فيزا من شهر للحين ماوصلت البيت علبوا انهم يدزونها لى
بس تدرين شنو المشكلة..؟؟
انه صج بنك اسلامى ومايتعامل بالربا

..
قلنا بوبيان بنك يديد وينفع
طلع يبيله سنين على ما يضبط
الله يعينج

Q8ya said...

ماكو شيء اسمه بنك اسلامي...هالايام...:)

سالفة بيت التمويل اعرفها من زمان خو انتي داقهعلي وقايلتها لي هههههههههههههه

ب الوطني توني ادري..@@

والله شي 150 من صجهم لوووول

SILVER RAIN said...

خالد

لوووووول

لالا ماكوووووووو سلف مني

ولا دينار واحد

بروح اعيييد فيهم ;P

البنك الاوسط امي تعاملت معاهم باقوها الحرامية ;\

بس ماجربت صراحة خدمتهم والتجاري هم باقو ابوي ;\

يبيلة نشرشحهم الحرامية ;\

SILVER RAIN said...

jbla

اي مو اهيا هذي المشكلة اذا بتوصل للنهاية بهالبنك تلاقيهم اكبر حرامية ويقصون علينا انة هذا بنك اسلامي ;\

SILVER RAIN said...

نون

يبة سالفة السحب حظج نصيبج

مسوين سحب بجمعيتنا على سيارات

واطلعت طفلة عمرها 9 سنوات اهيا الي فازت بالسيارة

عادي ;)

ولحقيني للوطني ;P

SILVER RAIN said...

utmost

:\ الله يعييييينك عيل على خدمتهم

وكان الله في عونك

^
^
^

دعوة من وحدة ذاقت الامرين من التمويل لوووووووووووول

SILVER RAIN said...

بو صالح

اي والله انة قمة بتفوقة على باجي البنوك بهالطريقة يثبت للعميل انة ماكو شي ينباق من حسابة ولا يلعبون بفلوسة

SILVER RAIN said...

داون فيري

والي يقولج ماخذو مني ولاااااااافلس يوم بطلت احساب عندهم

دينار واحد ماخذو مني لوووول علشان جذي انا مستانسة

بطلت عندهم احساب وعطوني 150 دينار

والله ببطل كل يوم احساب عندهم لوووول

واذا خذوهم عاد اهيا افلوسهم مو افلوسي يعني ماكو حسافة ;P

SILVER RAIN said...

delic

nbk o bas wel baje 5s ;P~

SILVER RAIN said...

عين كويتي

:""""(

انت جربهم شوف اشلون بيطلعون جهلهم بالمعلومات حتى بخدمات بنكهم

SILVER RAIN said...

مساعد

احترم رايك

يمكن انا من الناس الي حسو انة التمويل مايناسبهم مصرفيا وانت مرتاح بالتمويل وعاجبك ومرتاح بمعاملتهم المصرفية لك ;)

وهذا اهم شي انك اتكون مرتاح بالمعاملة ;)

SILVER RAIN said...

سكون

والله صااااجة

اصلا مو بس بالمؤخرة قولي اخر الدور مولية

ومالة امل يتقدم الا اذا سوو استبيان ليعرفون وين الاخطاء عندهم من العملاء السابقين

SILVER RAIN said...

يوكن

اصلا اردى معاملة معاملت التمويل

على بطاقة سحب ياخذون يومين

بس عند الوطني

يوم واحد اشرايك

شوف السرعة اصلا لاوين اوصلت

مو بس بالمعاملة

لا حتى بالبطاقة نفسها المصرفية

SILVER RAIN said...

كويتية

لووووووووووووووووووول

اقول اقول

في سالفة بقولها لج قبل لا احطها بوست ;P

بمرج اليوم على فكرة

والـ 150 بخشهم علشان عقب ارمضان اعزمج عليهم ;P

Anonymous said...

eeh 3ad 7abeebat galbee entay erfaijetee el`3alia la tensain a`7aitech bel 3eedeya ok :P yabeeela mennech el3edeeya!

yabeeeeeeeelaa!!!

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室