Sunday, October 30, 2005

Wednesday, October 26, 2005


الآنسة دياية
حصريا فقط عندي اوناة بس ..!!

السلام عليكم ورحمة الله وبركاتة
بسبب ظاهرة نشلة الدياي ومقتل اسر كاملة من الدياي البريئ لتلك الظاهرة التي شردت العديد من ضحايا هذا المرض على مدى الاعوام السابقة وامتد معنا لهذا العام .. إلى متى ستشرد هذة الاسر البريئة .. وإلى متى سيعاني كل سنة الدياي المسكين من ذالك المرض .. ومن أين أتى لهم ومتى أصابهم .. وكيف انتقلت العدوى بينهم
ولماذا تحرق الديايات البريئة المسالمة بمحارق خاصة ولا يعمل الاطباء على شفائها وموت العديد من ضحايا هذا المرض الاليم

اليوم بلقاء حصري فقط تقابلت مع الانسة دياية احد الناجين من ذلك المرض وقد فقدت
العديد من ابناء اسرتها

SILVER RAIN : السلام عليكم آنسة دياية يسعدني اني استضيفج بهذا اللقاء الصحفي وبرنامجي الاعلامي الليلة

الآنسة دياية: بق بق.. بق بق ..وعليكم السلام والرحمة .. هاااااااااااااااااااااتشووووووووووووووة ..!!! يخربيت النشلة الدختور ماغزني ابرة سنعة

SILVER RAIN: ياااااااااااااااامخرج تكفة كمام لاتعاديني هالدياية اروح فيها والي يعافيك رشو الاستديو فليت ..!!

الانسة دياية: والاااااااه خلاس اخر مرة امسح خشمي

SILVER RAIN: نرجع لمحور حديثنا .. يامرحبا ويا اهلا وسهلا فيج انسة دياية .. طبعا انتي احد الناجين النادرين من مرض نشلة الدياي او نفس مايسمونها الفلونزا الدياي .. ممكن اعرف ويعرف كل المشاهدين اسباب نشلتج؟؟

الانسة دياية: والاااه انا كنت بمرحلة عصيبة بفترة نشلتي .. لولا هالدكتور ماغزني ابرة ماصرت زينة .. ياعسى عمرة طويل ..!!

SILVER RAIN: آنسة دياية ماعرفنا اسباب نشلتج يت اشلون؟؟

الآنسة دياية: والاااااه كنت طالعة مع صديقاتي الديايات رايحين نشم هوا فريش ولا هذااااااك اهناك انسان منشول عطس علينا الي مايستحي مامسح خشمة بكلينكس .. دقيقة .. دقيقتين .. عدينا بس للعشرة قمنا انافخ نفسة وانعاطس

SILVER RAIN: يعني الي اقدر افهمة منج انة الي سوالج النشلة الانسان؟؟ هذا اتهام خطير لان يقولون انكم يا الديايات رايحين اتحرشون بديج يديد وكان في جلب يحرسة مصاب بداء الكلب شميتو ريحتة صارت فيكم نشلة انتو شموديكم عند هالديج؟؟؟؟؟؟؟؟
الانسة دياية: هااااااا؟؟؟؟؟ وانتو وانتو وانتو بس اتطلعون اشاعااات والاااااه اشاااااعة صدقوني بريئة ..!!

SILVER RAIN: يمة يمة يمة منج حتى الدياي يقزون ..!!! شخليتو للهايتين الي ماعندهم والي ..؟؟

الانسة دياية : لاا انا ماسمحلج الدياية سمعة لو سمحتي ..!! هذاك جليل الحيا عطس بويهي ماحط كلينكس على خشمة الحجي الي اتقولينة حجي ناس حاقدة ..!!

SILVER RAIN: تايب يا انسة دياية.. الي فهمتة منج انة هالمرض يالج عن طريق الانسان .. انزين اشلون انقلت العدوى لباجي ارفيجاتج واهلج كلهم؟؟
الانسة دياية: مو انا قمت اعاطس وانافخ وحرارتي وصلت حدها حدها امي الحبيبة .. كانت اتعالجني وانتقلت لها العدوى .. امي سلمت على ابوي راحت لة العدوى .. اخواني الصغار دشو عندي انتقلت لهم العدوى وانتشر المرض عندنا بالقرية .. عقب دياية نص منشولة راحت اتييب لنا المساعدة بس وصلت القرية الثانية عطست عليهم لما صارت منشولة وانتقلت لهم العدوى .. وهكذا انتقل المرض .

SILVER RAIN: طبعا تدرين من هالمرض المعدي ماتت عائلات دياي وايد .. والحكومات كانو قاسين اتجاههم سوو محارق علشان يقتلونهم احياء .. شنو اتقولين عن الي سووة رؤساء الدول

الانسة دياية: آة ليش اتبطلين الجروح .. ماتت عائلة ختشيبي ودياي وايد من قريتنا بهالمحارق شفتهم يتعذبون بالنار .. ابصراحة ظلم قتلو بعضهم البشر ياين يعكرون علينا السلام الي عندنا والتعاون والمحبة .. كان المفروض يطلعون لنا علاج هالبروفيسورات والباحثين العلمييين بدال مايقطون فلوسهم على الخرابيط

SILVER RAIN: زين اهما يقولون انة انتاي خطر يعني الدياي كلة خطر على البشر بسبتة نشلتج .. علشان جذي موتو اهاليكم علشان ماتنتقل العدو لبني البشر

الآنسة دياية: مرت بوش يا سلفر جلبها كح يابت لة دكاترة وبروفسورات وناس اشكثر .. علشان انا دياية فقيرة مسجينة مايابولي دكتور الا انا بقت ابرة من عندة غزيت نفسي
SILVER RAIN: اتعاطين مخدرات..!!!

الانسة دياية: انتاي لمتى بتضنين فيني الضن السئي هذا ..!!!

SILVER RAIN: يعني افهم منج طريقة شفاءج من مرض النشلة الي يقولون عنة بالاعلام وباء غزت ابرة؟؟

الانسة دياية: إنا لله وإلية راجعون ..!! تبين انقط بالسجن اقول بايقة ابرة دكتور افتك من الموت انقط مؤبد وعقب مشوية على مائدة حضرة القاضي..!!

SILVER RAIN: كلمة اخيرة ودج الكل يسمعها .. وإلى من توجهينها؟؟؟

الانسة دياية: يا شعب الدياي قاوم الموت النشلة يومين واتروح بس الدكاترة بخلة يادينار نقص كرت ولا نلوى بالمرض ..!!
SILVER RAIN: اشكرلج انسة دياية على انج سمحتيلي استضيفج هالاستضافة على شاشة قناة سلفر رين .. واسمحولي اختم البرنامج المخرج ياشر بانتهاء البرنامج ..
لقد ناقشنا اليوم قضية .. وازمة ومرض .. أتمنى لقائكم قريبا بحلقات مقبلة
كانت مذيعتكم
SILVER RAIN
معكم
اخراج/سلفر رين
تصوير/فيلجا وشايلة الكاميرا على علباتها خخخ

Monday, October 24, 2005


الشي ألي أبي أسولف عنة اليوم شغله منتشرة لكن أهيا صج
قديمه ومن زمان المشكله صارت
على نطاق أوسع مما يخلي الإنسان
مو يشك بس بعياله يشك حتى بهدومه
خلوني أناقشها وياكم
التضبيط << مفهوم يديد مو؟
لما الواحد يطلع مع الأهل او لحيلاته
شباب يتحرشون بالبنات يعطيها رقم الموبايل مايستحي
جنة إنخلقت الموبايلات علشان فلانة تكلم أفلان
شنو أول مرة تعرفون إنة عيب! قبل لا أقول تحريم هالشي؟

بالنت مجرد ماتشارك باسم يدل إنك بنت
أضافات من المشرفين والأعضاء ويتحرشون
يسطرون البنت برقم الموبايل
الجات عاد إهناك حدث بلا حرج
سؤال مطروح ويطرح نفسة ..!!
هالبشر ليش ماقامت إتخاف من ربها؟
ليش ماقام الإنسان يحاسب نفسة قبل لاينام
اليوم شنو سوا من غلط علشان يعدله
ليش ماقامو يعرفون كما تدين تدان ويزيدون الغلط
وبالعكس يسون هالغلط ويقولون إهيا لو ماتبي هالشي ماسوته
ماتخافون ربكم وانتو اتلزقون الغلط في غيركم
الغلط اييب غلط من بعدة ..!!
بس أنا أقول عيب وعيب وعيب..!!
إشلون مايستحون من ربهم
لما يدعون يطلبونة بالدعاء
وأهما يفسدون بالأرض
وإشلون مايتحملون ينقال عن العيب عيب؟!

Sunday, October 23, 2005

ليش يوباة حابة تفزحيني هرام عليج
Seven things I plan to do:
-ابي اخلص معهد
- بيوم اتمنى ايكون لي اسمي كمصممة جرافيكس.. و ابي اتطور بهالمجال
- ابي افتك من ثورياة ولااااااه سنة يديدة وياها خلاس اموت
-ابي اتخلص من اني انسى وايد خخخخخخ لحاد يزحاك ترا مذكرة التالافون مالي كلة مذكرات الاشياء المهمة بس انسى ..!!
- ابي افتك من الطيبة الزايدة والحساسية الي زيادة عن اللزوم
- ابي اخذ الدنيا جد غير اني يوم اكون زعلانة
- ابي اثبت للعالم اني اقدر اسوق سيارة بلوحييييي
Seven things I can do:
- اتالع سبيييييس توووون وام بي سي ثري
- افرمت جهازي بلوحي لحيلاتي
- اقعد مع ارانبي لساعات طويلة ويلعبون معاي وياكلون من ايديني
- اسوي اي شي بس اكون مرتاحة وانا اسوي ولي خلق
- اقدر اسمع لمشاكل صديقاتي عدل واساعدهم واكون وياهم اول باول
- العوز ارفيجاتي بمسجات ولا اضغطهم بالتلفون او يضغطوني
- اعطاء الناس الاحساس بالذنب اذا اغلطو بحقي
Seven things I can't do:
- ماعرف اخفي احساس شعوري بالغيرة لما افقد احد قريب مني
- ماقدر اتضاهر بالفرح وانا زعلانة
- غسلو ايدككوم اشيل مسؤولية
- ماعرف اجذب
- ماقدر اقطع لا جاي ولا قهوة ياويلي راسي بينفجر اذا كشت ماشربتهم خخخخخخ
- ماقدر اتحسف على شغلة كرهتها او انا مو مقتنعة فيها
- اني ما اسرح وفجاة جكككك بوووم اطيح وانا ماشية بسوق ولا بالشارع
Seven things I say most often:
- لااااااااااااااااااا والااااااااااه
-ايييي هييييييييييت يووووووووو
- مااااااااااااااابييييييييييي ماااااابيييييي
- ببجيييي
- الاااااااااااااااااااااااااااي
- تااااااايب تاااااايب
- هلاق = يعني الحين
Seven people I want to pass this tag to:
كويتي
سعلوة
بوطارق
توكسيك
حامي الديار
كويتي رحال

دوركم ^_____^