Monday, October 24, 2005


الشي ألي أبي أسولف عنة اليوم شغله منتشرة لكن أهيا صج
قديمه ومن زمان المشكله صارت
على نطاق أوسع مما يخلي الإنسان
مو يشك بس بعياله يشك حتى بهدومه
خلوني أناقشها وياكم
التضبيط << مفهوم يديد مو؟
لما الواحد يطلع مع الأهل او لحيلاته
شباب يتحرشون بالبنات يعطيها رقم الموبايل مايستحي
جنة إنخلقت الموبايلات علشان فلانة تكلم أفلان
شنو أول مرة تعرفون إنة عيب! قبل لا أقول تحريم هالشي؟

بالنت مجرد ماتشارك باسم يدل إنك بنت
أضافات من المشرفين والأعضاء ويتحرشون
يسطرون البنت برقم الموبايل
الجات عاد إهناك حدث بلا حرج
سؤال مطروح ويطرح نفسة ..!!
هالبشر ليش ماقامت إتخاف من ربها؟
ليش ماقام الإنسان يحاسب نفسة قبل لاينام
اليوم شنو سوا من غلط علشان يعدله
ليش ماقامو يعرفون كما تدين تدان ويزيدون الغلط
وبالعكس يسون هالغلط ويقولون إهيا لو ماتبي هالشي ماسوته
ماتخافون ربكم وانتو اتلزقون الغلط في غيركم
الغلط اييب غلط من بعدة ..!!
بس أنا أقول عيب وعيب وعيب..!!
إشلون مايستحون من ربهم
لما يدعون يطلبونة بالدعاء
وأهما يفسدون بالأرض
وإشلون مايتحملون ينقال عن العيب عيب؟!

6 comments:

chatterbox said...

المشكلة ان اول كنا نقول لهم "ما عندكم خوات تخافون عليهم" الحين مانقدر نقولهم جذي لان كل واحد يدري ان اخته تكلم خمس او عشر شباب بالتلفون هذا اذا ماتطلع معاهم والمشكلة الاخو عنده عادي بس يسوي روحه مايدري

kuwaite said...

الترقيم مشكلة قديمه


المشكلة الحاليه والادهى الشذوذ الجنسي سواء الرجال والبنات

والمتحولين منهم واليهم

اشكال تلوع الجبد

SILVER RAIN said...

CHATTERBOX

هذي اهيا المشكلة ماقام احد يخاف من ربة
وبعض الشباب يتجرا ويلمس البنت حتى لو مو معطيتة ويه ايدها او شي منها يا غصب يعطيها رقمة اتحاجية شسالفة احنا صرنا بعصر الجاهلية؟؟

SILVER RAIN said...

كويتي

^_______^

سوج اهيا المشكلة هذي قديمة لكن زايدة بزيادة .. وكل شي يزيد عن حدة ينقلب ضدة والتغاضي عن الشي مو لصالح الانسان

انا صج مرة حطيت موضوع عن الشذوذ

http://silver-rain.blogspot.com/2005/09/blog-post_112778936467972979.html

بس ماصير خاطرك الا
طيب واسوي موضوع متفرع بالشذوذ

^___^

Diver said...

السؤال المطروح و جوابه في نفس الوقت تم كتابتهم انهم ما يخافون الله
و عشان يخافون الله هذا شي ايي من البيت في البيت لا تعلمو الخوف من الله ولا تعلمو الأصول
والله بعينه على الياي

Q8ya said...

قله أدب..:)

واحيانا تكون قله تربيه..:)

تحياتي..:)