Wednesday, October 26, 2005


الآنسة دياية
حصريا فقط عندي اوناة بس ..!!

السلام عليكم ورحمة الله وبركاتة
بسبب ظاهرة نشلة الدياي ومقتل اسر كاملة من الدياي البريئ لتلك الظاهرة التي شردت العديد من ضحايا هذا المرض على مدى الاعوام السابقة وامتد معنا لهذا العام .. إلى متى ستشرد هذة الاسر البريئة .. وإلى متى سيعاني كل سنة الدياي المسكين من ذالك المرض .. ومن أين أتى لهم ومتى أصابهم .. وكيف انتقلت العدوى بينهم
ولماذا تحرق الديايات البريئة المسالمة بمحارق خاصة ولا يعمل الاطباء على شفائها وموت العديد من ضحايا هذا المرض الاليم

اليوم بلقاء حصري فقط تقابلت مع الانسة دياية احد الناجين من ذلك المرض وقد فقدت
العديد من ابناء اسرتها

SILVER RAIN : السلام عليكم آنسة دياية يسعدني اني استضيفج بهذا اللقاء الصحفي وبرنامجي الاعلامي الليلة

الآنسة دياية: بق بق.. بق بق ..وعليكم السلام والرحمة .. هاااااااااااااااااااااتشووووووووووووووة ..!!! يخربيت النشلة الدختور ماغزني ابرة سنعة

SILVER RAIN: ياااااااااااااااامخرج تكفة كمام لاتعاديني هالدياية اروح فيها والي يعافيك رشو الاستديو فليت ..!!

الانسة دياية: والاااااااه خلاس اخر مرة امسح خشمي

SILVER RAIN: نرجع لمحور حديثنا .. يامرحبا ويا اهلا وسهلا فيج انسة دياية .. طبعا انتي احد الناجين النادرين من مرض نشلة الدياي او نفس مايسمونها الفلونزا الدياي .. ممكن اعرف ويعرف كل المشاهدين اسباب نشلتج؟؟

الانسة دياية: والاااه انا كنت بمرحلة عصيبة بفترة نشلتي .. لولا هالدكتور ماغزني ابرة ماصرت زينة .. ياعسى عمرة طويل ..!!

SILVER RAIN: آنسة دياية ماعرفنا اسباب نشلتج يت اشلون؟؟

الآنسة دياية: والاااااه كنت طالعة مع صديقاتي الديايات رايحين نشم هوا فريش ولا هذااااااك اهناك انسان منشول عطس علينا الي مايستحي مامسح خشمة بكلينكس .. دقيقة .. دقيقتين .. عدينا بس للعشرة قمنا انافخ نفسة وانعاطس

SILVER RAIN: يعني الي اقدر افهمة منج انة الي سوالج النشلة الانسان؟؟ هذا اتهام خطير لان يقولون انكم يا الديايات رايحين اتحرشون بديج يديد وكان في جلب يحرسة مصاب بداء الكلب شميتو ريحتة صارت فيكم نشلة انتو شموديكم عند هالديج؟؟؟؟؟؟؟؟
الانسة دياية: هااااااا؟؟؟؟؟ وانتو وانتو وانتو بس اتطلعون اشاعااات والاااااه اشاااااعة صدقوني بريئة ..!!

SILVER RAIN: يمة يمة يمة منج حتى الدياي يقزون ..!!! شخليتو للهايتين الي ماعندهم والي ..؟؟

الانسة دياية : لاا انا ماسمحلج الدياية سمعة لو سمحتي ..!! هذاك جليل الحيا عطس بويهي ماحط كلينكس على خشمة الحجي الي اتقولينة حجي ناس حاقدة ..!!

SILVER RAIN: تايب يا انسة دياية.. الي فهمتة منج انة هالمرض يالج عن طريق الانسان .. انزين اشلون انقلت العدوى لباجي ارفيجاتج واهلج كلهم؟؟
الانسة دياية: مو انا قمت اعاطس وانافخ وحرارتي وصلت حدها حدها امي الحبيبة .. كانت اتعالجني وانتقلت لها العدوى .. امي سلمت على ابوي راحت لة العدوى .. اخواني الصغار دشو عندي انتقلت لهم العدوى وانتشر المرض عندنا بالقرية .. عقب دياية نص منشولة راحت اتييب لنا المساعدة بس وصلت القرية الثانية عطست عليهم لما صارت منشولة وانتقلت لهم العدوى .. وهكذا انتقل المرض .

SILVER RAIN: طبعا تدرين من هالمرض المعدي ماتت عائلات دياي وايد .. والحكومات كانو قاسين اتجاههم سوو محارق علشان يقتلونهم احياء .. شنو اتقولين عن الي سووة رؤساء الدول

الانسة دياية: آة ليش اتبطلين الجروح .. ماتت عائلة ختشيبي ودياي وايد من قريتنا بهالمحارق شفتهم يتعذبون بالنار .. ابصراحة ظلم قتلو بعضهم البشر ياين يعكرون علينا السلام الي عندنا والتعاون والمحبة .. كان المفروض يطلعون لنا علاج هالبروفيسورات والباحثين العلمييين بدال مايقطون فلوسهم على الخرابيط

SILVER RAIN: زين اهما يقولون انة انتاي خطر يعني الدياي كلة خطر على البشر بسبتة نشلتج .. علشان جذي موتو اهاليكم علشان ماتنتقل العدو لبني البشر

الآنسة دياية: مرت بوش يا سلفر جلبها كح يابت لة دكاترة وبروفسورات وناس اشكثر .. علشان انا دياية فقيرة مسجينة مايابولي دكتور الا انا بقت ابرة من عندة غزيت نفسي
SILVER RAIN: اتعاطين مخدرات..!!!

الانسة دياية: انتاي لمتى بتضنين فيني الضن السئي هذا ..!!!

SILVER RAIN: يعني افهم منج طريقة شفاءج من مرض النشلة الي يقولون عنة بالاعلام وباء غزت ابرة؟؟

الانسة دياية: إنا لله وإلية راجعون ..!! تبين انقط بالسجن اقول بايقة ابرة دكتور افتك من الموت انقط مؤبد وعقب مشوية على مائدة حضرة القاضي..!!

SILVER RAIN: كلمة اخيرة ودج الكل يسمعها .. وإلى من توجهينها؟؟؟

الانسة دياية: يا شعب الدياي قاوم الموت النشلة يومين واتروح بس الدكاترة بخلة يادينار نقص كرت ولا نلوى بالمرض ..!!
SILVER RAIN: اشكرلج انسة دياية على انج سمحتيلي استضيفج هالاستضافة على شاشة قناة سلفر رين .. واسمحولي اختم البرنامج المخرج ياشر بانتهاء البرنامج ..
لقد ناقشنا اليوم قضية .. وازمة ومرض .. أتمنى لقائكم قريبا بحلقات مقبلة
كانت مذيعتكم
SILVER RAIN
معكم
اخراج/سلفر رين
تصوير/فيلجا وشايلة الكاميرا على علباتها خخخ

5 comments:

نون النساء said...

يا سديقتي السادقه السدوقة السنديقة المتسدقه

اللي ماكو أسدق منج بالعالم كلااه

يختي والله هالدياية شكلها بيطلع فنتقي واهي منسدحة علاا السينيه

والبووطاط فوقها وتحتها والطوووماااط والبووووصل

وفلفل العلوووب المشووي

وااااااااي وفوققها عصرة لااايموون بما انها منشولااه



بس لحزة ابي افصل ضحك اولااا


هههههههههههههههههههههههههههههه
ههههههههههههههههههههههههههههههه
هههههههههههههههههههههههههههههه
ههههههههههههههههههههههههههههه
هههههههههههههههههههههههههههههههه
ههههههههههههههههههههههههههه
هههههههههههههههههههههههههه
ههههههههههههههههههههههههههههههه
ههههههههههههههههههههههههههههه
ههههههههههههههههههههههههههههههه
ههههههههههههههههههههههههههههههه
ههههههههههههههههههه

واااااااااااااااااي

حسبيالله على ابليييسج
شيييينو هذااااا يالكاايسه

لا ما شاءالله خوش موووذيعه

اقوول اقوول

وناااسه

kuwaite said...

looooooool

توني ادري انج مذيعه موهوبه

خوش لقاء

SILVER RAIN said...

يالموتااااوحشاااااااةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة

:""""""""""""""(


يالشريررررررة شينو بوتات وتمات الي الي الي ... يالشريييييييييييييييييرة :""""""""""""""(

هذي من المخلوقات البريئة يا يا يا الموتاوحشاة يا الي اتقلدين الاسد الشرير :""""""(

ترا تعتس عليج الانسة دياية اترد عليج النشلة نياهاها

^_________^

SILVER RAIN said...

كويتيييييي

^__________^

ميييييرسييييي ميرسيييييييي


بس ماراااااح اعتيك الانسة دياياة

ادري فييييييكم انتا وفيلجاة


موتاوحشين اتموتون بالكتشب

:""""""""(

ناكرين حقوق الحيوانات البريئة

:""""""""""""""(

اي هيييييت يووووووووووو

kazmawy said...

loooooooooooooooool

حلوة وخفة دم.. وينهم عنج اصدقاء الحيوانات والبيئة (: