غايبة اليوم عن المعهد من بعد جلسة
طويلة مع ابوي

كان صراحتن
ضايق صدري لابعد حد
ادري سويت توتر لكم
كويتي مزيون
حبيييييتهااااا جنطتيييييييي اليديدة الااااااااااااااي اتهااااابل

ولاااااا ولااااه ولاااااااه

^_______^

بكشخ فيها باجر جدام البنااااات

yupieeeeeeeeeeeeeeeeeeeee..!!

^________^
هياااااااااااااااااااااةةةةةةةةةةةةةةةةةةةةةةة
اوناة اوسفاة سويت لكم

توتر كلكم

تائر

نورة

كويتشياة

نون

غريب

كلكم كلكم

شوكرااااان

:""(

المووووووووهيم

^_________^
هاليومين مطر عاد جو اينن
شوفو هالصوره خذيتهم وانا على طريجي امس
للبيت

عندي بعاد مصورة صور بس مودري ليش

مايبون يتلعون

الجو كان حدة عجيييييييب ضباب بالشارع

شي شي شي

اخيييييييرااااان بكشخ بهدومي الشتوية

لوووووووول
^_______^

هالمرة هذا اهداء لكم

http://song1.ozq8.com/music/gulf/kuwait/sanaa/ram/sana8.ram

اهداء
بس
حقي

حدة صاكة بويهي كل الدنيا ..

http://song.6arab.com/7sain-aljasmy..ya-segher-al-fara7.ram

من زووومااان

سراحتن ماجست الفوتشوب

من الدراسة

الي اتغث

مع الامتحانات

مع انة

قاعدة ادرس تصميم

التصميم ما ايي الا بالمزاج سراحة

فإنتاو اشرايكوم بتسميمي

ادري غطييييييت وايد على ماسممت شي

^______^

أحيانا ،،
الأغاني تشغل بالي
ولكن
أهتم للكلمات

وايد

قليلا ما أحب اسمع أغنية معينة

للحن
جانب بروحة عندي

إلي احب اسمعلهم

نوال الكويتية
عبدالمجيد عبدالله
عبدالكريم عبدالقادر
خالد الشيخ
اصيل ابو بكر
عبدالله رويشد
محمد عبدو
فيروز

تعجبني الاغنية القديمة
ويعجبوني المطربين القداما الاصيلين

ليلى مراد
شاديا
عبدالحليم عبدالحافظ
ام كلثوم

بس ..

الي استمع لة اربع وعشرين ساعة
المقطوعات الموسيقية
صبح ليل برا يمين يسار
يمكن يستغرب البعض ليش افضلها؟؟
حتى افضل الاماكن الي فيها موسيقى
نفس مجمع الكوت الي عندنا
ماحب اهناك الا علشان
الموسيقى والبحر

David lanz

الموسيقار الي اعشق
مقطوعاتة الموسيقية

لان بكل بساطة ..
نهارك بفنجان قهوة مع هالمقطوعة
أشطة صراحتن
^_______^

وصباحكم إشطة كلكم
وهذي معزوفة وايد وايد وايد احبها
علشان اتنزلونها دخلو هالسايت انا حملتها من جهازي وسوولها داون لود من اهناك
http://www.megaupload.com/sa/?d=0QQNHP1X

حلم كل انسان

من بعد
جهد جهيد بالدراسة
وتعبها
انة يثبت نفسة أمام الناس
بالعمل
وجعل راتب لة
من بعد المصروف من قبل الام والاب
نظام الحكومي
بدأ العديد يعزف عنة
ويتجة لنظام
القطاع الخاص
لما فية مزايا عديدة
من حيث الراتب
والقدرة على ان تصل لهدفك

ولكن ...!!!

طلب الشركات لموظفات
ليس على الكفاءة
او القدرة
او العطاء الذي تقدر
ان تعطية تلك الموظفة
لا
من اول شروطهم
المظاهر
أن لاترتدي العباءة...!!!
أن لاترتدي النقاب..!!!

لازم تلبس بدلات وخير من الله رضينا فيها لابسة حجاب..!!

في المقدمة هذة الشروط

تالي نوظفج ..!!
درينا انة احنا ديرة فري
وديرة ديمقراطية

بس مادرينا انة ديرة تفصخ صراحتن ..!!!

back ..!!

السلام عليكم
و
و
و
رديييت إلى المقر الرئاسي مالي
من بعد العمرة
ولهت عليكم والله كلكم
كلكم
كلكم
كلكم
:"""""""""""(
وولهت عليج يانون والله اكثر شي سديقتي السادوقة
انا حدي تعبانة من هالرحلة
اسمحولي
اروح ارتاحلي اشوي
واقولكم تفاصيلها كلها
بعدين
تاااااايب؟؟

السلام عليكم ورحمة الله وبركاتة
سآخذ إجازة لايام معدودة
للسفر إلى مكة
سأشتاق إليكم جداً
مع السلامة ..

Happy New Year ..!!

2006
لم يبقى إلا
أيام قليلة
ونودع سنة
2005
بأحزانها وأفراحها
خططنا عديدة للمستقبل ..
وآمالنا كثيرة
والأهم
خطط المستقبل ،،

بالنسبة إليّ كم أتمنى أن يكون لي أسمي
كمصممة جرافكيس
وأكون عائلة سعيدة ،،
فماخططكم للمستقبل؟؟
هل أنتم مستعدون لإستقبال هذة السنة بخطط وأهداف جديدة؟؟
أتمنى لكم سنة سعيدة بإذن الله
^_____^

اليوم لي طلعة للسوق
قلت اغير جو بدال من زمااااااان
لا طلعة ولا تغير جو
اغراضي لازم جياس لالها اول ولا لها تالي
مزاجي ماحب الطلعات وايد للاماكن المزدحمة
عندي عشق موطبيعي
للعطورات
يعني ماكو عطر
ماجربتة
بالذات الفرنسية

المهم
طبعا لي مواقف بالسوق مادري ليش دايما
كلها اتفشل
وكل شي ايحوشني بالسوق يخليني اضحك سنة بساعة
مرة طايحة على الرصيف
مرة جك بووووووووووووووم
تزحلق على الدري مال المجمع
ومرة زلقت وانا امشي
صارلي موقف الصيف الي فات هالموقف الي ما انساة طووووول حياتي
كنت متسوقة مع الوالدة
طبعا الاغراض الي شاريتها شكثر اتعرفون بعد البنات
انحب انخمط وانلم بكل شي
$^______^$
المهم واهما ثقاااال وايد الاغراض
ناديت هندي
ساااااااادييييييق تعاااال
نعام ماما ؟؟؟؟
شيييييل اغراز يعتيك لوبع دينار

الهندي سمع مني لوبع دينار ماصدق على الله وشال مني
ماحب امي اتشيل اي شي ويلا بطريجنا للسيارة
وقاعدة اتحجى مع اخوي بالتالافون
ولا في سيارة تسفط
وراعي السيارة شسوى
جان يقوم ويبطل الدبة مالت سيارتة
الهندي على نياتة ..!!
جان يقوم وهه بييييييييحط الاغراض بالدبة
جاااان اقووم اصرخخ
لاااااااااااااااااااااا..!!!!!!!!!!!!!!!!!!!!!!!! اغرااااااااضيييييييييييييييييييييييييييييييييييييييييييييييييييييي

موووووووووووووو سياراتناااااااااااااااااااااااااااااااااا ...!!!
ولا الهندي اخترعععععع من الصراخ عيونة طلعت برا
والحمدالله ماحط اغراضي بالسيارة عندهم
ويطلعون شباب من السيارة
ميتين من الضحك على الصراخ
ماهبهوووووم :"""""( فشلوووني ..!!


بعد عندكم صار مواقف اتفشل بالاسوقة مثلي جذي؟؟

ودكم اتفرمتون اجهزتكم بالبيت؟؟

ودكم مايتمنن عليكم الهندي بمحلات الكمبيوترات

بابااااااااا كمسة دينار ولا اقضب الباب..!!

ودكم محد يتحرش فيكم بمحلات الكمبيوترات يابنات ..؟؟

عندي لكم الحل فورمات كامل تعلمو بس معاي اوناة التريقاة

^___^

بشرط اول شي ،،

زهبو كل السيديات الي عندكم تعاريف اجهزتكم

واهم سي دي

windows xp

وخنقول بسم الله...!!

اول شي وانتو مبطلين اجهزتكم دخلو سي دي الوندوز على الكمبيوتر

وسوو restart

ولتدخلون على ال cd

ضغطو اي زر من الكي بورد ،،

علشان اتدشون على هالشاشة

راح ننطر اشوي وبتطلع هالشاشة

راح نضغط على R

لان نبي نحذف ال c

راح نضغط

D

علشان ينحذف وننشأ

New partition

وبتطلع لنا هالشاشة

راح نضغط

L

راح ينحذف ال

c

راح يطلعلنا

C=creat new partition

وبتطلعلنا هالشاشة

وراح انكمل

بضغطنا

Enter

علشان انزل الوندوز على ال

C

بنضغط بهالشاشة

على F8

للموافقة على تثبيت الوندوز على الهارد دسك

بتطلعلنا هالشاشة

الخيار الاول

(quike)

علشان يجيك على الهارد دسك

اما الثاني عادي فورمات سريع

ونكمل enter

بعد فترة من الوقت راح تطلعلنا هالشاشة

علشان يسوي ريستارت

راح يتبطل هالـ waiting

علشان راح اشتغل الحين على الوندوز

لان نزل الحين بس محتاج شوية وقت لكتمل الشغل

ونصبر

بتطلع هالشاشة

ويطلع لنا هالـ

box

ونحط

Next

نكتب اسم المستخدم

ونحط

Next

على سي دي الوندوز عندكم مكتوب ال product key

او تحت على الجهاز نفسة

نقلو هالرقم

وحطو

next

راح يطلعلي بهال

box

اسم الكمبيوتر

ونكمل

next

الحين خلصنا

راح يسوي الجهاز

restart

وتطلع لي الwaiting

تلطعلي هالشاشة

واحط

next

هالصورة شوي يبتها على النكست لووووووول

واكتب اسم المستخدم

واهني خلصنا

وولكم للوندوز الي فرمتوة بدينكم

^___^

بجذي انتهينا من فورمات الجهاز

مبروك عليكم الفورمات

^____^

واي سؤال انا حاضرة

واذا ضعتو بالفورمات هم انا حاضرة

وقريبا بحطلكم الباجي اشلون اتعرفون المودم على الكمبيوتر

والشاشة وكل شي

مرات لما اقعد جذي اسرح بيني وبين نفسي
افكر
بصديقاتي والناس الي اخالطهم
بالنت
او برا النت

منو قدكم افكر فيكم كلكم
^_______^

بس
الشي الي يحز بخاطري
لما احد من الناس الي اعرفها
يستقوى على ضعيف
مثلا بما إنة ضعيف كل الغشمرة
على هالضعيف
من غير مراعاة انة بشر
ويحس ولة مشاعر
وكانة الي يتغشمرون
هذيل كاملين
شغلة اتنرفز
ويوميا اشوفها عندي

بما إني طالبة ليلحين
وادرس بمعهد
وهالكروس والحمدالله مابقالة شي
على نهايتة
لكن في هالشي الي يضايقني
من زميلات
عندي بكلاسي زميلة
طبعا ضغط كلة عليها
لان ماتعرف تتحجى واتدافع عن نفسها
صايرة احسن من الكل الي يكسرون فيها
وماترد عليهم وتسكت
لكن على قولة المثل
"الي مالة لسان ياكلة الخنفسان"
^
^
^
خخخخخخ خوش مثل ها؟؟
ابوي كلا ايقولة حقي لوووول

^_______^

المهم
هالبنت مشكلتها مشكلة
والله مرات ودي ابجي عليها من كثر ما انا مكسور خاطري عليها
إهيا مالها صديقات
صابتها مشكلة خلت اهلها يفقدون ثقتهم فيها بسبب زميلة لها بالمعهد
وحدة استاذنت منها وطلبت منها تالافونها
طبعا ماردتها
عطتها التالافون ،، والي استاذنت منها
بكل بساطة غرقت بعسل مع رفيجها واهيا تستخدم تاالافون البنت

لما ردت بيتهم البنية طبعا عادي اتعرفون البيت في خوات او اخوان عادي ياخذون تالافونات بعض

المهم
وصل مسج من الشاب على تالافون البنت
وشافوة اهلها وفقدو كل ثقتهم فيها
وشكو انة ابنيتهم اتحاجي شاب
طبعا شي يكسر بالخاطر انة الواحد يحس انة مظلوم
المهم صارت يوميا اشوفها اتدق على اهلها من تالافون المعهد
ليتاكدون انها موجودة داخل
المهم
اهيا مرات تهتم بنفسها وتتسنع تصير كاااشخة ومرات لا
كلش ماتهتم
البنات قامو يحطون عليها انها باليوم الي اتحط في مكياج
بهاليوم مواعدة ..!!
على كثر ما اهيا تستخدم تالافون المعهد علشان تاكد اهلها انها موجودة
بالمعهد يحسبونها تحاجي شباب بتالافون المعهد شوفو البنات شقاعدين يفكرون..!!!

وطعن بهالبنت لالة اول ولا تالي..!!

ولكن،،
سؤالي يطرح نفسة
لما انشوف انسان اقل منا
ليش مانحترم انة انسان؟؟
ليش مانقدر انة هالانسان حالة.. حالة اي بشر كان
ليش مانحط الف ومليون سبب على ظروف كل انسان؟؟
وليش مانعرف انة كلنا سواسية عند رب العالمين
ليش الطنازة الي مالها داعي على بعض؟؟
ليش مانعدل بعض إذا احد غلط؟؟

وليش نحسب في ناس اقل منا؟؟

ليش مانعرف انة هالشي مو من مبادئنا كمسلمين؟؟
وليش وليش وليش؟؟
كلها اسئلة تطرح بعضها
واتدور عندكم اجابة لها

إلى أين سيمضي ألم
بين دمعه وسيول
مشت بها مركب الحزن
ظلم وقهر
صوت خافت
ينادي للموت..!!

حرمت من كل لون
ممزقه كما الأعلام
باغتصاب جنود
للارض

إنتهك عرض الحرية
على بصيرت البشر
تحلو لهم الشهوة اللعينة
وتقبيل الشفاه العاصية
تحت تاثير جبروت رجل
تبا..! تبا..لك..!!!!!

فلم تعرف بأمراة تهوى مقاتله ظلم الرجال
فعلم إنك أنت تحت أقدامي..!!

2

رضيع بين يدي
يناجي الحياة
ويطلب رب السماء
بين صرخات النساء
ربي احمني من ظالم
إلاهي خلقت لأعيش
لا لأقتل وأذل تحت اقدامهم

كم قاتلٌ هو القتل
بسفك دماء
أم حاملة بذراعيها
طفلا يبكي

تحت قهقهات جيوش
تسحق ضحكات طفل
مغادرة الحياة
ببكاء كما خرج
على الدنيا ببكاء

3

فعندما فارقت الحياة مرة
لم يبلى جسدي وغطته الطيور
إنتهت فترة موتي
وصنع لي الأمل رداء
في أول تموز

عشقت قلما
ولم يكن للقم حبر

وجفت صحيفه الذكرى
واوراقها بليت

فكم عشقت العدل
كوني إمرأة


فأنا ملكه

وان كرهتها سطورك


فدعني بعالمك لتعشق
ناري
بجنونك المتسلط
أيها الثائر بنشوتك..!

«بلادك بلد بطيخ!»

وكان النائب محمد الصقر قد دافع بشراسة عن مشروع المدينة الاعلامية متهما الوزراء المعنيين (التجارة والمالية والمواصلات) بعدم الدفاع عن المشروع الذي شكك فيه وعن قرار مجلس الوزراء في هذا الصدد، معربا عن اسفه لعدم صدور قرار من مجلس الوزراء لتخصيص ارض للمشروع حتى الآن.وقال انه يتحدى من يقول انه شخصيا صاحب المشروع او دخل في جيبه شيء، لافتا الى ان رأس مال الشركة 100 مليون دينار يعطى صاحبها 25% رغم طلبه 40% وهي شركة مقفلة فيها اكثر من 3 آلاف مساهم ولم يأخذها شخص واحد فلماذا التشكيك فيها؟!

كلن يغني على ليلاه

وماياكلها بالاخير الا المواطن المسكين

تحمل يا مواطن ضغط وسكر

وانفجار الكبد..!!

أخذت ندوة النائب د. ناصر الصانع في ديوانه بالروضة

أمس التي كانت مخصصة لمناقشة كيفية توظيف الفوائد المالية كما أثير في الجلسة صباحاً منحنى آخر ارتبط بإنشاء دسكوات وإباحة الدعارة في الكويت كما جاء على لسان النائب د. وليد الطبطبائي الذي حمل على نفسه مسؤولية ما قاله بشأن إدخال العشرات من الآسيوات من دون فيز إضافة إلى رغبة بعض المتنفذين بإنشاء دسكوات في الكويت.

@@

ديسكوات ،، وو دعارة

واسيويات

خخخخ ،،كملت ..!!

اخليلكم التعليق

لقراءة باجي الخبر

اضغط على هذا الرابط

http://www.alwatan.com.kw/Default.aspx?MgDid=378833&pageId=26

قد اكون كاذبة

ان لم اقل

قد مللت وجودي على الانترنيت

ضاق صدري

ولا اعلم

إلى متى هذة الحالة

ستستمر معي

سئمت كثيرا

االشبكة العنكبوتية

أحيانا

افكر بترك مكاني

من على الانترنيت

واهرب

فعلا بعيدا

عن هذا العالم الموحش

ولا استغرب

إن

اتىيوم

وذهب بة البلوج

فقلد فعلا سئمت ..!!

عندما يعكس الواقع
ماتتلو علينا اراء اشخاص آخرون
عبر الصحف المحلية
او
شاشات التلفزة ،،
ام من هم يشاركوننا الرأي
عبر الشبكة العنكبوتية

تعجب القارئ
والمستمع إليها
ومن داخلهم لايؤمنون بشئ
وتصرفاتهم خارج منابر الحوار
تعكس مايناضلون بة
ومتمسكين فية
خلال ساحة النقاش
ولرجعوهم إلى الدنيا مجردين
من تلك المنابر ليفعلو ماهو مخزي
ومنافٍ إلى ماكانو يحاربون لأجلة
مريضة هذة الفئة تستند أحيانا إلى الكتاب
والسنة النبوية الشريفة
وكانهم شيوخ المساجد وعلى كل خلق
جميل زرعت بهم تربية جميلة
تحسد عليها من قبل أي شخص
على مايملكون من داخل قلوبهم
لاجل رسالة مزيفة
وحروف وكلمات منافقة
مغلفة بحوار الكذب
وما يمكن ان يتصورة الانسان
من منافق يعمل لأجل أهواءة الشخصية؟؟
ولا يطبق مايتقبلة العقل على مايفعلة ؟؟
بريئ من وجوههم القرآن الكريم
الذي يستخدمونة لاجل اسناد آرائهم
وعلى أهواءهم ياتون بالايات
بريئة منهم السنة النبوية الشريفة
التي يمسونها لاجل اهواءهم الدنيئة
عفواً
فهم ليسوا إلا حثالة
وليسو كأي حثالة
فهم حثالة المجتمع ..!!

عييييدكوووووم مبااااارك كلكم كلكم كلكم

وعساكم من العايدين الفايزين

كاة الجيس مالي حتولي العيادي

اقل عيدية عشر دنانير خخخخخ

^_________^

الآنسة دياية
حصريا فقط عندي اوناة بس ..!!

السلام عليكم ورحمة الله وبركاتة
بسبب ظاهرة نشلة الدياي ومقتل اسر كاملة من الدياي البريئ لتلك الظاهرة التي شردت العديد من ضحايا هذا المرض على مدى الاعوام السابقة وامتد معنا لهذا العام .. إلى متى ستشرد هذة الاسر البريئة .. وإلى متى سيعاني كل سنة الدياي المسكين من ذالك المرض .. ومن أين أتى لهم ومتى أصابهم .. وكيف انتقلت العدوى بينهم
ولماذا تحرق الديايات البريئة المسالمة بمحارق خاصة ولا يعمل الاطباء على شفائها وموت العديد من ضحايا هذا المرض الاليم

اليوم بلقاء حصري فقط تقابلت مع الانسة دياية احد الناجين من ذلك المرض وقد فقدت

العديد من ابناء اسرتها

SILVER RAIN : السلام عليكم آنسة دياية يسعدني اني استضيفج بهذا اللقاء الصحفي وبرنامجي الاعلامي الليلة

الآنسة دياية: بق بق.. بق بق ..وعليكم السلام والرحمة .. هاااااااااااااااااااااتشووووووووووووووة ..!!! يخربيت النشلة الدختور ماغزني ابرة سنعة

SILVER RAIN: ياااااااااااااااامخرج تكفة كمام لاتعاديني هالدياية اروح فيها والي يعافيك رشو الاستديو فليت ..!!

الانسة دياية: والاااااااه خلاس اخر مرة امسح خشمي

SILVER RAIN: نرجع لمحور حديثنا .. يامرحبا ويا اهلا وسهلا فيج انسة دياية .. طبعا انتي احد الناجين النادرين من مرض نشلة الدياي او نفس مايسمونها الفلونزا الدياي .. ممكن اعرف ويعرف كل المشاهدين اسباب نشلتج؟؟

الانسة دياية: والاااه انا كنت بمرحلة عصيبة بفترة نشلتي .. لولا هالدكتور ماغزني ابرة ماصرت زينة .. ياعسى عمرة طويل ..!!

SILVER RAIN: آنسة دياية ماعرفنا اسباب نشلتج يت اشلون؟؟

الآنسة دياية: والاااااه كنت طالعة مع صديقاتي الديايات رايحين نشم هوا فريش ولا هذااااااك اهناك انسان منشول عطس علينا الي مايستحي مامسح خشمة بكلينكس .. دقيقة .. دقيقتين .. عدينا بس للعشرة قمنا انافخ نفسة وانعاطس

SILVER RAIN: يعني الي اقدر افهمة منج انة الي سوالج النشلة الانسان؟؟ هذا اتهام خطير لان يقولون انكم يا الديايات رايحين اتحرشون بديج يديد وكان في جلب يحرسة مصاب بداء الكلب شميتو ريحتة صارت فيكم نشلة انتو شموديكم عند هالديج؟؟؟؟؟؟؟؟
الانسة دياية: هااااااا؟؟؟؟؟ وانتو وانتو وانتو بس اتطلعون اشاعااات والاااااه اشاااااعة صدقوني بريئة ..!!

SILVER RAIN: يمة يمة يمة منج حتى الدياي يقزون ..!!! شخليتو للهايتين الي ماعندهم والي ..؟؟

الانسة دياية : لاا انا ماسمحلج الدياية سمعة لو سمحتي ..!! هذاك جليل الحيا عطس بويهي ماحط كلينكس على خشمة الحجي الي اتقولينة حجي ناس حاقدة ..!!

SILVER RAIN: تايب يا انسة دياية.. الي فهمتة منج انة هالمرض يالج عن طريق الانسان .. انزين اشلون انقلت العدوى لباجي ارفيجاتج واهلج كلهم؟؟

الانسة دياية: مو انا قمت اعاطس وانافخ وحرارتي وصلت حدها حدها امي الحبيبة .. كانت اتعالجني وانتقلت لها العدوى .. امي سلمت على ابوي راحت لة العدوى .. اخواني الصغار دشو عندي انتقلت لهم العدوى وانتشر المرض عندنا بالقرية .. عقب دياية نص منشولة راحت اتييب لنا المساعدة بس وصلت القرية الثانية عطست عليهم لما صارت منشولة وانتقلت لهم العدوى .. وهكذا انتقل المرض .

SILVER RAIN: طبعا تدرين من هالمرض المعدي ماتت عائلات دياي وايد .. والحكومات كانو قاسين اتجاههم سوو محارق علشان يقتلونهم احياء .. شنو اتقولين عن الي سووة رؤساء الدول

الانسة دياية: آة ليش اتبطلين الجروح .. ماتت عائلة ختشيبي ودياي وايد من قريتنا بهالمحارق شفتهم يتعذبون بالنار .. ابصراحة ظلم قتلو بعضهم البشر ياين يعكرون علينا السلام الي عندنا والتعاون والمحبة .. كان المفروض يطلعون لنا علاج هالبروفيسورات والباحثين العلمييين بدال مايقطون فلوسهم على الخرابيط

SILVER RAIN: زين اهما يقولون انة انتاي خطر يعني الدياي كلة خطر على البشر بسبتة نشلتج .. علشان جذي موتو اهاليكم علشان ماتنتقل العدو لبني البشر

الآنسة دياية: مرت بوش يا سلفر جلبها كح يابت لة دكاترة وبروفسورات وناس اشكثر .. علشان انا دياية فقيرة مسجينة مايابولي دكتور الا انا بقت ابرة من عندة غزيت نفسي
SILVER RAIN: اتعاطين مخدرات..!!!

الانسة دياية: انتاي لمتى بتضنين فيني الضن السئي هذا ..!!!

SILVER RAIN: يعني افهم منج طريقة شفاءج من مرض النشلة الي يقولون عنة بالاعلام وباء غزت ابرة؟؟

الانسة دياية: إنا لله وإلية راجعون ..!! تبين انقط بالسجن اقول بايقة ابرة دكتور افتك من الموت انقط مؤبد وعقب مشوية على مائدة حضرة القاضي..!!

SILVER RAIN: كلمة اخيرة ودج الكل يسمعها .. وإلى من توجهينها؟؟؟

الانسة دياية: يا شعب الدياي قاوم الموت النشلة يومين واتروح بس الدكاترة بخلة يادينار نقص كرت ولا نلوى بالمرض ..!!
SILVER RAIN: اشكرلج انسة دياية على انج سمحتيلي استضيفج هالاستضافة على شاشة قناة سلفر رين .. واسمحولي اختم البرنامج المخرج ياشر بانتهاء البرنامج ..
لقد ناقشنا اليوم قضية .. وازمة ومرض .. أتمنى لقائكم قريبا بحلقات مقبلة
كانت مذيعتكم
SILVER RAIN
معكم

اخراج/سلفر رين

تصوير/فيلجا وشايلة الكاميرا على علباتها خخخ