Tuesday, November 07, 2006

خنصير واقعيين ولو مرة ...!!

طبعا ديرتنا معروف انها مزيج بين حضر وبدو
وهالشي مايفرق حبنا للكويت ولا يفرق علاقات
الكويتيين فبعضهم ..والكل عيال حمولة
وعيال اصل ،،
لكن ،،
تقريبا من جم سنة صرت
اسمع واشوف ،، في اماكن
غير مرحب فيها للي اشكالهم
مو استايل ومحترمين
ويوم تمشي فيها محترم تحس انك غلط ؟؟؟؟
البنات
ولا وحدة لابسة عباية
من اضيج إلى اضيج شي
يلبسون ؟؟
والشباب ولا واحد لابس دشداشة ؟؟
والاشكال الناعمة إلى الانعم تشوفها فيهم
وصار في تغير مو طبيعي
على عادات الشباب وبنات
بحيث انة تطلع مع الصبي
علشان تقول لرفيجاتها
بنااااااااات امس طلعت مع فلان :\؟؟؟؟؟
والشاب صار يضرب شعرة
بهالستشوار لييييين ماتخترع من
شكلة تقول مكهربتة الكهربا
واهم شي الزقارة
ودخل عليها المشروب
والقز بالشوارع
ودوارة الفساد
بزياااااااادة صايرين عندنا تروفة
وبويات ،، شسالفة ليش ؟؟؟
البنت صارت ريال والريال صار مرة؟؟؟؟
:\
بس اذا شافو احد
محترم نفسة لابس هدوم سنعة
اقصد بالسنعة اللبس الكويتي المعروف
والتقليدي
دشداشة وغترة وعقال
قامو يخزونة خزة
@@
شنوووو هذاااااا شي غرييييييب؟؟؟؟؟؟
لوووووووووووووووول كانة طالع
من متحف بالنسبة لعقليات غريبة ؟؟
طبعا الي تلبس عباية ونقاب
او الي لابسين براقع
تسمع بذونها
ويييييي طالع سلاحف النينجا؟؟؟؟
او وحدة لابسة محترم بدلة
واسعة ومو حاطة مكياج
او اي شي لافت
يطالعونها من فوق لتحت
جنة مسوية شي غلط؟؟؟؟
السؤال الي يطرح نفسة
شيطلعون هذيلة هالاشكال
الي مافيها رجولة
مهتم بالستايل
وشغلات قذرة بتفكيرة
ولا البنت الي صايعة بالمجمعات
لابسة ذاك الاسترج
والبدي الي مطلع بلاوي
ومننوع التظر لاقل من الـ18 ...؟؟؟؟؟
شنو اخرتها لوين بنوصل مع شباب
جذي وبنات بهالطريقة؟؟؟؟؟؟
منو الصح ومنو الغلط؟؟؟؟؟
لا والمشكلة الي اكبر من جذي
اتحس وانت تتمشى بديرتك يطردونك بنظراتهم من حلال الديرة
لك مثل الي لهم واكثر بعد ؟؟؟؟
جنة مثل الي يقول
حلال ابونا ويطردونا ...!!!
وشيطلعون هذيلة الي اي احد يزور الكويت
يشوف هالاشكال ياخذ عن الكويتين فكرة غلط
اذا هذي الاشكال بنظرهم جذي الحضارة
هذي مو حضارة هذي سواد وية ..!!
شيخلي البنت تطلع مع شاب
علشان تتشيحط عند البنات
طلعت معاة ...!!؟؟؟؟
ويطالعون الناس الي محترمة
حالها كانة وباء...؟؟؟؟؟
هذيل صج اهم كويتين؟؟؟؟؟؟؟؟
اذا كويتين فعليين ليش ماكو اي
اعتزاز بالعروبة الي بدمة ؟؟؟
ليش الصبي صاير ابنية؟؟
وين حيا البنت؟؟؟
ليش تمشي بالشارع شبه عارية؟؟؟؟
وينقال عليها واااو ياسلام ستايل؟؟
وين رجولة الريال؟؟؟؟؟؟
وين هذا كلة؟؟؟
وين راح؟؟؟
وين عاداتنا وتقاليدنا؟؟؟؟؟؟؟؟؟
ماقول الا خلف الله على شبابج ياكويت ...!!!

24 comments:

نون النساء said...

انا باط جبدي شغله وحده
انتي شمقعدج الصبح
دوام وماعندج

لو مكانج ما اقوم لو القصف فوق راسي
:""""""""""(




كانا واقعيين
لووووووووووول
اتصدقين انا احب الريال اللي يكون لابس دشداشه وغتره وعقال
لا يعني حدددده هانسم بشكل مو طبيعي
بس لما يقلب عالتي شيرتات والثري كوارتر
والسيقان كلها شعر
تتغير نظرتي
:/

وعيني ما تلتفت إلا على ام العباية ههههههههه
مادري خلقتي جذي عكس عكس

عاد الستايلات هاللي دايرة هالأيام
استغفر الله كاسيات عاريات وياليت بذوق اشوي
لااا من غير ذوق

امبيييييه حتى اهدوم ما قمت اشتري
كله عبي عبي عبي
وبيجامات تحتها

والله أذرب من اللي اشوفه


لووووووووووووووووووووووول
اذكر مرة رحت شرق ندور ملابس للعيد مع وحده من جماعتنا
طبعاً اهيه ما تلبس عباية
وانا امبله
طلعلنا واحد زهيوي يطالعنا ويقوول

ويييييه ملااقه بنات الأحمدي
حطو مك أب على الأقل
:/

هاااو والله عبالي ابنيه تقاقي عند راسي
انتتتتتتته اشعليييييييييك ياربي


ولو اتشوفينه
كشته اتقول عش دبابير ومصبغ طرفها اخضر


وغير اللي الشحم واللحم طايح
ودايس ومن كثره صاير طبقات ولابسه ضيج


بس بس تحلطم
انا من كثر ما قمت اشوف جذي
صار الوضع عندي عاادي
وحتى بعد عارفة شكل بنتي اشلون قايل من الحين

SILVER RAIN said...

نووون


خخخخخخخخخخخخ

شسوي قاعدة اعدل النومة من عقب الصيام علشان ابي اطلع
تدرين من صرت اسوق طلعاتي كلها الصبح

خليني اقولج شي بعد ذاك اليوم شفتة
قمت اشكك بانوثتي من بعدة .. سافطة عند الجمعية منقوعة برا جنه هندي انطر الماما مالتي المهم ولا يسفط عندي ذاك البي ام .. وينزل منة واحد اتعرفين الي نااااااااااااااااااعم والله حتى الشعر الي يدل على رجولتة بسيقانة حافة يعني اشتبين اكثر من جذي ويمشي ويتخصر بالمشية
اتحلفين انة ابنية ولبسة شنو هذا ...!!

انا وصل حنجي للقااع من الصدمة

يخربيييييييييييتة ولا وعلى شعرة الي مستشورة انا ابنية مالي خلق استشورة يقعد هالخنفووووس يستشور شعرة :\

ويقولون عمار ياكويت ؟؟

ووايد اشوفهم يحتقرون المنقبات والمبرقعات وين مايروحون ويسونلهم طردة بعيونهم جنة يلة طلعو هالمكان مكانة

مع انة سبحان الله لما اتشوفين وحدة متحجبة لابسة عباية تلفت النظر اكثر بشكلها ونعومتها اتحسينها انثى

وما اقولج انة مافي بنات مو متحجبات مومحترمين بالعكس لبس محترم وواسع


بس الناس ماتحبش الا اللحمة البيضة الي بتنشاااااف عريانة @@ لووووووول

طائر بلا وطن said...

الوضع تغير و ما عاد نفس أول

التغير طبيعي بس نوع التغير هو المشكل

:

تصدقين .. يعني أنا حتى لو تلفان و راعي
خربطة
أكيد باداري و لا باتكلم

الحين العكس

يعني صار عادي اقد مع مجموعة و واحد فيهم
يسولف عن خمر او قعدة او حشيشة او رفيجات

ما استغرب .. و من كثر ما قمت اسمع زهقت
و حاشني ملل و قمت اتجنب .. سوالف تتعب
النفسية و تزرع بالواحد امراض المفروض
يتحملها راعي السوالف و يدفع ثمنها مو
الماشي يم الطوف و قاضب روحه

:

بالأول و من سنتين هالموضوع كان يثير نفسيتي
و يتعبها .. الحين طاف و الزم ما علي اهلي

و اي واحد يقول لي شوف او طالع او ما سمعت
عن ذيج السالفة .. اطنش

كل واحد راضي بحاله

و كل واحد عنده اهل

و محد يربي احد

اهم قانعين بحالهم و انا قانع بحالي

لا انا بناسبهم و لا هم بيناسبوني



ادري ان هالتفكير فيه شيء من السلبية
بس لا حول و لا قوه




بس حلوة سلاحف النينجا
ههههههههههههههه

Kidding


:


ودي اشطح بعيد

في موضوع كتبته بلحظة تشتت ايماني و شك
يضرب كل اللي كتيته فوق بعرض الحائط
بس خليته بالدرافت

شنو معيارج للأخلاق؟

كلمة سترتش فوق ما تتصورين و لو تعمقتي
بتتعبين

:/

نون النساء said...

لوووووووووووووووووووووووووول

حسبي الله على ابليييسج زييييين
وهقتيني بالضحك

وااااي
حلوة حلوة

ماتحبش إلا اللحمة البيضه


بالله اشلون الحين اقعد أشرح
هاااااااااااااا

يا شاااقووول

SILVER RAIN said...

طائر ..

اتعرف انا شنو الي صدمني
مو انة الصبي يقعد يتشيحط
جدام الشباب ياعالم شوفو
انا شنو سويت مع بنت فلان

لااا الي صدمني انة البنت
اهيا الي تتشيحط
وتسوي الغلط ومستااااااانسة
وانا سويت وسويت وسويت كلة
مع صاحبي :\

زين استري علية لووول ..!!

وكلمتة استرج مالها الا معنى واحد طائر
انها لابسة ضيج بالحييييل يعني الي ماشافش يتفرج :\

اما معياري للاخلاق

اهوا الدين لو البشر خافو ربهم ماصار الي قاعدين نشوفة

الي نشوفة نقول يانهااااار مش فايت علية :\

SILVER RAIN said...

نون

خخخخخخخخخخ

احسن علشان يزفج المدير

وتقعدين بالبيت مثلاتي

وتبطلين حلطمة

ليش قاعدة بالبيت وانتي اتداومين :pP~

3AJEL said...

الجواب
هو ان العالم فصخت الحيا

NESCAFE said...

تدرين على سالفة التروفه مره صادفنا وحده بالمستوصف من اللي يسحبون دم.. فجأه ولا الثانيه تناديها باسم ريال!! وانا اشوفها انثى ! .. الحمدلله والشكر
والله اخاف ربي يخسف فينا من هالاشكال

اما بعض البنات اللي تكلمتو عنهم .. صج صج فصخو الحيا

الله يهديهم بس.. والواحد يمشي بحاله وايد احسن لانج من كثر ماتشوفين وتطالعين قلبج يعورج الله يهديهم

My-Home said...

اكيد المحترمين اهم الصح بدون تفكير
بس فوق كل هذا في شباب يلبسون لبس ستايل وتحسون انه لابس لبس راقي بس نفس الوقت هم ملتزم بلبسة من ناحية انه مو مقلد البنات ولا مكهرب شعرة
وفي بنات يلبسون ويتبعون الموضة بس ما يتعدون قيم وتقاليد مجتمعهم
-
باختصار الشباب لازم يواكبون عصر الموضة ونفس الوقت يحافضون على تقاليدهم عشان نعتز فيهم جدام باجي الدول
وشكرا.......
هه
صرت فيلسوف
:)

SILVER RAIN said...

عاجل

مو هذي اهيا المشكلة ...!!

SILVER RAIN said...

نسكافية

لووووووووووووووووووول

مو هذا الي صار فيني قلت بالكومنت الي قبل ،، واحد شككني بانوثتي من كثر ما اهوا ناعم :\

وان تبين الصج

جان زين يحطون عندنا هيئة نفس السعودية تهقين يتسنعون؟؟؟؟؟؟؟؟؟؟

خخخخخ ولا ينحاشون من الكويت؟؟؟؟

SILVER RAIN said...

ماي هوم

خخخخخخ عاش الفيلسوف ;)

لكن في ناس ياخذونها بزيادة
لبس غير محتشم وتلاقية بتمبة
شهالمنظرررر الارف
البس دشداشة استر نفسك لوعت جبودنا

ولا بنت هم بنفس الطريقة
ولا البنت لابسة لبس من غير هدوم
وتلعن الصبي

ويعةة ليش تتحرش فيني يلة مناك
ماتشوفني انسانة محترمة ..!!

لوووووووول اهم شي محترمة ولسانها شطولة تقول دلالة

وطبعا اذا شافو احد لابس لبس محترم
يحسسونة انة غلط :\

يمشي ويتلفت المسكين(ة)شالفة شنو سويت غلط لووووووووول :\


قل لبس الدشداشة مع انة احنا خليجين وهذا لبسنا التقليدي وحلات الريال فية يطلع شي

والبنت حلاتها لابسة واسع او عباية ومتسترة :)

yokin2007 said...

يبا السالفة الاهل مو قادرين على عيالهم او انهم عيال صايعين مو متربيييين
والله يستر علينا وعلى اهلنا يارب
اذا الولد شاف ريال بيالبيت صار ريال مثله واذا البنت شافت ام سنعة صارت نثلها
اذا الابو هتلى والام داثرة شتبون يطلعون غير هالخمة..؟؟

Enter-Q8 said...

اولا حجيه لو خليت خربت
و الحمدلله في خير

لكن هذول نقطة سودا وصدقيني اللي محترم نفسه يفرض احترامه على الاخرين واللي بالذات محترمين اما اللي غير محترم
باللي ما يحفظه

على فكرة ترى مفصل دشاديش حق ولدي
بس المكسر والقحافي عليك انت ونون

نون النساء said...

مي نوت نوو وت إز مكسر أند قحفيه
وت إز ذس ؟؟

مي دونت اندر ستاند
:/

مي ريممبر مكدونالدز أند ونطيح طق فيه
بس
:P

SILVER RAIN said...

يوكن

المشكلة بعضهم معطين اعيالهم الخيط والمخيط يعني مايقولونلهم شنو لابسين وين رايحين وين يااين مخلينهم على كيفهم شنو وين قاعدين لا بامريكا ولا اوربا بعدنا بالكويت ...!!!!

واييلك زبوط نقعة ويمد صبعة حارق شعرة يعيب على مبرقعة وي طالع سلحفاة النينجا ..!!

SILVER RAIN said...

انتر

يا شقول لااااااااااه تو النااااااااس اتقول صار عندك ولد لا احلف ..!! شيل البلوك يا اخي وقول يالك ولد وواعدتك بزور المدام بالمستشفى ..!! والله صج صج انك نساااي

ولدك بشتريلة ذاك البشت والدشداشة والقحفة

لوووول نفس مالبسنا سعد ايام العيد والله لو تشوفة عسل جنة معرس الدعلة ينادي كل الاسامي الا ماما :\

مابغينا انشوف عيالك ويرتبى ابعزك ^.^

SILVER RAIN said...

نون

خخخخخخ

اقوووول حلم ماكدونالز قوليلة بيباي

مقاطعة للمنتجات الامريكية

اشفيج انتي

بيودي ولدة مرح لاند ونروح نلحقهم بصخر ونحذفهم ونتحرش فيهم بما انة احنا عزابية ليلحين ماعندنا عيال يسون هالسوالف :p

انا نون بس ناسية الباسورد said...

يب يب يب
بيطلع حده كيووووت

^___^

لووووووووول

عزابية
احسسسسسسسسسسن


خل الأوادم ترتاح حاليا
ومن ثم
يصير خيييير

:P


عقبالج ياستي
نلاقي منج درزن سلفروو
وواحد متعلق بريلج
والثاني بالنقاب
والثالث بالعباية
والرابع يراكض وراج
وانتي تتحلطمين
تدزين العربانه بالجمعيه
ههههههههههههههههههههههههه
ههههههههههههههههههههههه

SILVER RAIN said...

^
^
^


تكفيييييييييييييييييييين يرحم والديييييج لاتدعييييين لاتدعييييين

انتي دعواتج كوابييييييييس

يالي مضيعة باسوردج

سئلي بوقذيلة شرط يعرف باسوردج

وانتي شاطرة تنسينة لووووول :\

نون النساء said...

هااااو
من بيعرف باسووردي غيري


ومالها دعوتي ؟؟
:"""""""""(

زينة زينة
الدعوة غير
ولما احلم فيها غير
هههههههههههههههههههههههه
انا للحين ماحلمت

:P

Miss-Q8 said...

هذي أعتقد مفهوم " المدنية " عند البعض :)

المجمعات و بلاويها بـ وادي , و الجامعات و الكليات بـ وادي ثاني ..,

منظار و لا كأنها ياية تدرس !!
من المكياج إلى معرض الأزياء الفاخر !!

و الواقع يقول .. إن ما فيه ناس واقعية هاليومين .. إلا ما ندر

سلفر :)
شكرا ً .. و خل نصير واقعيين :)

~~~

Q8ya said...

وبعدين معااااااااااااج...@@

مو قلت لج لا تتحرشين فيني @@

;pPp

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人