Monday, December 12, 2005

حلم كل انسان
من بعد
جهد جهيد بالدراسة
وتعبها
انة يثبت نفسة أمام الناس
بالعمل
وجعل راتب لة
من بعد المصروف من قبل الام والاب
نظام الحكومي
بدأ العديد يعزف عنة
ويتجة لنظام
القطاع الخاص
لما فية مزايا عديدة
من حيث الراتب
والقدرة على ان تصل لهدفك

ولكن ...!!!

طلب الشركات لموظفات
ليس على الكفاءة
او القدرة
او العطاء الذي تقدر
ان تعطية تلك الموظفة
لا
من اول شروطهم
المظاهر
أن لاترتدي العباءة...!!!
أن لاترتدي النقاب..!!!

لازم تلبس بدلات وخير من الله رضينا فيها لابسة حجاب..!!

في المقدمة هذة الشروط

تالي نوظفج ..!!
درينا انة احنا ديرة فري
وديرة ديمقراطية

بس مادرينا انة ديرة تفصخ صراحتن ..!!!

22 comments:

نون النساء said...

أذكر يوم كنت داشة دورة بهيومن سوفت

عطونا اوراق وقالو اكتبو فيها بياناتكم وهواياتكم ووين مجالات العمل اللي اتحسون انكم بتعطون فيها اكثر..!!


طبعا من كلامهم اتحسين انج انتفختي والمستقبل كله جدامج لووول


انا من غير تردد حطيت المجال الإعلاني
والجرافيكس والديزاين


الموضوع كله ماكان من ضمن اهتماماتي
بس انصدمت يوم المسؤولة عن القسم قالت
واكتبو على طرف الورقة اذا كنتي منقبة ولا لأ..

اوصلت المعلومة يا بيغ بوووس
big boss <<<< عشان تفهميني عدل هههههه



بعدين الله يهداج انتي للحينج ما تحطمتي
وقاعد تتحلطمين
انطري لما تتحطمين عدل


<<<<< فيني عرج نذاله مادري ليش


:P

الاء سعود المجيبل said...

اممممممم مو كل الأماكن يشترطون سفووور..!!

انا شفت اكثر من مكان بالقطاع الخاص بنات منقبات وفي بنات لابسين عبـــي

بس تبين الصج اهم صج صج يهتمون بالشكل وااايد...:)

موفقه....:)

طائر بلا وطن said...

بعد فنجان القهوة و قطعة الشوكولاته خليني اقولج حزاية الوظيفة في هالبلد

كل مكان في هالبلد بلا استثاء و اقولها من غير تردد محتاج لواسطة .. بالرغم من ان الوظيفة اللي قاعد فيها خذيتها بتوفيق من الله و بذراعي من غير واسطة

حالي حال اي طالب شاب توه متخرج معدله عالي يتوقع انه يوظفه في اي مكان لكني اكتشفت بعدين الحقيقة المره

قدمت على البنوك ما كنت حاط واسطة
ابي الآي تي .. قالولي تصير تيلر .. قلت مو مشكلة نتعلم و اشتغل على المساند اللي هو بالإدارة وماكو فايدة ضعت بين اصحاب الواسطات و اصحاب الطلات الجميلة

و اماكن وايد بعد تفس الموال .. و بالأخير تعوذت من الشيطان وقلت لنفسي انت مو عايش بالمدينة الفاضلة و اشتغلت الواسطات

ياني بنك الأهلي
ما بغيته

البنك المركزي .. قابلت فيه 12 واحد من كبار مدراء البنك تشوفينهم تخترعين و تاخذين مقلب بس لأن الواسطة عودة تخيلي عقب المقابلة بربع ساعة و قبل لا أوصل البيت ياني خبر قبولي .. مظاهر على الفاضي و برستيج فارغ من الداخل

و بالأخير انقبلت في المكان اللي انا فيه بتوفيق من الله و من غير واسطة و نفسيا ارتحت و رحت له لأن الخيره فيما اختاره الله
و حتى ماديا افضل من غيره
:
:
مسألة النقاب و اللبس عموما يمكن تلاحظينها بشدة في الوظايف اللي لها علاقة بالكاستمرز بس مثل حالتج صعبة صراحة .. ليش؟؟

خليها على الله .. و لا تنسين الواسطة بعد .. مو عايشة بروحج بهالديرة

كل شي صار عكس

و مثل ما قالت نون ريض على التحلطم

و آسف على الهذرة .. سلام:)

SILVER RAIN said...

نووووون


:"""""(

ماهبج ..!!


اوناة من النوع الي موبسرعة يتحطم
وانتاي تدرين بهالشي
من سابع المستحيلات يتلاشى الامل جدامي
بس فعلا شغلة اتنرفز لما اتشوفين شركة
تطمحين تشتغلين فيها ومعاشج شي ..!!

وتاليتها مايبون الا وحدة ماتلبس عباية او نقاب ..!!

الوظيفة نحسبها نبيها دائمة مو يوم يومين او فترة من العمر لبسنا بدلات تاليتها من سن ثلاثين عبايات وتو الناس على التقاعد

SILVER RAIN said...

كويتياة

اتصدقين عاد؟؟

تدرين مدير شركة الوطنية ياي المعهد
عارض على البنات انة يبي يختار بنات معينين بوظايف دايمة عندة بالشركة
والمعاش خيالي ..!!

بشرط انة مايبي لامنقبات ولا بنات لابسين عبايات ..!!

بالامانة مو قهر ؟؟زين اهوا ضامن البنت الي تلبس بدلات بتشتغل نفس المنتقبة او الي تلبس عباية؟؟

اتحسين مال اتلتينة كف عدل مطلوب التفصخ عن التحشم صراحة ..!!

SILVER RAIN said...

تاااائر بلا وتان

هني وعافية الككاو والقهوة ^____^

اذا تبي الصج .. انا الي اشوفة الدعايات غراس ما غراس وغيرة من اعلانات توعية علشان جيل الشباب
يتعلمون ويصيرون ايد هالبلد الي تعطي مو الاجانب
الي ننصدم فية انة مايبون كويتين يشتغلون الا بطلعة الروح

وهذا موضوع بكبرة ولازم يكون وياك واسطة علشان يشيلونك

اما البنت يتحججون بالشركات يبون التفصخ مايدورون وحدة معاها خبرة وتقدر اتفيدهم لا اتلاحظ الناس تمشي على كيفها بلاحسيب او رقيب

واذا شغلوني علشان الواسطة يخافون من الواسطة الي وراي اذا ماشالوني شيل على روسهم لعنت خيرهم

kazmawy said...

معقولة هالشى..؟؟
والله هذة سوالف اللبنانيين والخمة التجار... حسبى الله على من كان هذا رايه..
اللبس ماله علاقة بالعمل اولا.. والشى الثانية يبون موظفة ولا رفيجة..؟؟
اقول...مالت عليهم

غريب said...

المنه عليهم
خليها علي الله أشوه يا معوده ما حطو بالهم علي الغتره والعقال بيني وبنك مو وقته انترصص بناطلين
مع تحياتي
غريب

الاء سعود المجيبل said...

هاهاااااااااي

حلوه تصكينه كفففففف خخخخخ

يبيله والله يبيله

SILVER RAIN said...

كزماوي


الشمكلة انة الشركات الكبيرة
اهيا الي طالبة جذي
واهما الي يبون هالشي
وهذا الي يبط الجبد صراحة
ابديرتك موقادر تاخذ راحتك
ويامرون بالتفصخ واحنا بديرة اسلامية
ويطلعولنا يمين ويقولون لنا اتحشمو
شي يغث صراحة ..!!

SILVER RAIN said...

غريب


في شركات لبسهم الرسمي للرياايل اصلا بدلات

وزين خلو ريايل على كيفهم يلبسون دشاديش اساسا مالبسوهم على كيفهم

بس اصلا شيبون بالرياايل يبون يلعبون بالبنات لعب على كيفهم ويلبسونهم على مزاجهم

kazmawy said...

والله يا سيلفرة شقولج..الشمكلة صعبة وايد...شمكلة الشماكل هالشغلة الى قاعد تصير..الناس ما تحب تتشمكل بس ..شنسوى ..الشماكل ورانا ورنا
لووووووووووووووووووووووول

SILVER RAIN said...

^
^
^


:""""""""""""""""""(


ماهبك ..!!


اي هيييييييييييييييييييييت يوووووووو

:""""""""(


ياااااااااااااااااارب اتيح من على الكرسي تعور على الارض :"""""""""(

Diver said...

والله الموضوع ذو شجون على قولتهم
بس لو إن شركة مشترطة على الموظفات لبس العباية أو النقاب تدرون شصير
أكيد تدرون
حقوق الأنسان ستنتهك و الحرية العامة مطعونة بعينها
و امم المتحدة تصدر قرار يدعوالمجتمع الدولي للتدخل و تشكيل تحالف (تحالف هني من حلوف مو من حلف)و أمريكا تستنكر على لسان السفير
وووووو وبعض ربعنا بالمدونات يكتبون عن الرجعية و التخلف
تدرون ليش كل هذا لأن الستر زين

المحاميه said...

ما عندهم سالفه

في اماكن دوري تلقين

شَـــ ـوْق said...

@_@

عجب!
بس تبين الصج، هذا اللي الناس تبيه هـ اليومين :)

شكل ومظهر،
بالاخير تلقينها الطول طول نخلة والعقل عقل صخلة .. تكرمون :)

عندنا الشركات الخاصه توظف الكل، ماعندها اشكالية الا بالمعدل والتفكير السليم

اما القطاع الحكومي، ياريت اهتمامهم كان بالمظهر
مايوظفون إلا ولد الفلاني، وولد العلاني

أما ولد بطحة وشحقة ومقحه جهنم تاكلهم :)

الله كرييييم، عموماً النار ماتورث الا الرماد

ويعطيج العافية ، وهونيها :)

SAJA.S said...

بصراحه اول مره ادري ... هالتعقيدات السخيفه
بس بصراحه انا اعرف بنات محجبات يعملون سكرتيرات لمديرة اداره
بس كلامج صح القطاع الخاص صاار وايد يهتم بالاشياء السخيفه اكثر من الموهبه والخبرات

SILVER RAIN said...

diver


هلااويييين اهلااان

معاك حق صراحة
لان الستر زين
وحلو

اهما مايبونة
وفوق هذا يبون ملكة جمال العالم تشتغل
عندهم ،، كانة طالب زوجة للمستقبل ولا صاحبة

شي يغث صراحة ..!!

SILVER RAIN said...

المحامية

ان شاءالله القى ولا على النقاب
صراحة ماني قاطتة علشان خاطر
عيون وظيفة اقعد بالبيت اشرفلي

^________^

SILVER RAIN said...

شوووق


والله يبتيها

عن القطاع الحكومي
يمردخون المواطن تمردخ
الي ماعندة واسطة

يمسحون فية القاع
وتاليتها قاطينة بشغلة
البنغالي الي من برا الديرة ياي
يشتغل احسن منها ولة كرامتة بعد

:"""(

SILVER RAIN said...

سمايل

تعقيدات وايد سخيفة مالها داعي
دام انة ماكو شركة تقدر اتكون من غير موظفين كويتين
فليش مايدورون على الخبرة
بدال ما اهما يايبين ناس من برا احنا نشتغل احسن منهم بوايد ..؟؟

ii said...

وين هذا بالكويت؟؟؟؟؟؟

اوكي يمكن انتي مقدمه على شركه اجنبيه بكل شي الا الارض كويتيه
والا يمكن نظامهم اجنبي بحت عشان كذا ما يقبلون المنقبات او العباة بكبرها

قعدت افكر فيه عندنا كذا او لا .. لقيت انه صح فيه
هذا غير عن الاهل اللي يعييون على بناتهم انهم يتوظفون باماكن اختلاط .. (المحافظين)

فيه شركات ما توظف منقبات

اولها المملكه حقت الوليد
ما يرضون بالعباة اصلا
تخيلي هذا وهم بالسعوديه
!!!!

يابنت الحلال الله يرزقنا كلنا وظايف سنعه
قولي امييييين