صراحة اليوم حابة اتحجى بشغلة اشوي اهيا موطبيعية وعذروني على هالصراحة الي اتحجى فيها
بيوم من الأيام كنت طالعة مع الأهل لمجمع من هالمجمعات المسطرة بالديرة
لما كنت امشي يعني عادي اشوف الواجهات تبع المحلات حاطين وحدة بلاستك
لابسة نفنوف او ملبسينها ملفع او عباية ..
المهم وانا امشي ولا اشوف شباب جذي اصبيان امهات ثمنتعش سنة عشرين سنة وفي منهم الاكبر بعد ..!!
حشد جدام محلين بالضبط وخز بالواجهه
طبعا استغربت شسالفة اهناك معقولة ينطرون اهلهم برا؟؟
انزين ليش ناس تطلع ناس اتدش ولا مهتمين علشان احد السالفة فيها إنة

واقرب واقرب اشوف الخز بالمحل اكثر من الناس الي برا المحل
ومن الناس داخل المحل

ها...؟؟؟ .... شسالفة ...؟!؟!؟!


واقرب ..!!


ولا يطلع المحل ملابس داخلية نسائية
وجم تمثال من هالبلاستك ملبسينهم شغلات نسائية

بصراحة يعني عيب هالخز بالبلاستك وهالواجهات من أصحاب المحلات الي مالها معنى حاطينها
ماتوقعت جذي عيون بتلاقط على البلاستك بعد ويكون في هالخز الي موطبيعي
استغرب شغلات بايخة يسويها بعض من شبابنا ..!!
بهالواجهات الي يتاجر فيها التجار اكبر خدش حياء عام ..
مو لهذي الدرجة صارت الناس ماتستحي عاد ..
حتى البلاستك فصخوة
علية العوض ومنة العوض على شبابنا ..!!